Pep ៖ ពន្យល់បែបនេះក្រោយសួរថា «គួរតែយក Messi មកទេ?»

2024-07-26 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Pep Guardiolaអ្នកចាត់ការរបស់មេឃខៀវ Manchester City បានពន្យល់ពីកត្តាមួយចំនួនក្រោយអ្នកសារព័ត៌មានបានសួរថា «តើលោកចង់យក Messi មកកាន់ក្រុមលោកទេ?»។

«Messi បានសម្រេចចិត្តឈប់ពីបាល់ទាត់ និងការប្រកួតប្រជែងទៅហើយក្រោយគេបានជួយអាហ្សង់ទីនលើកពាន World Cup 2022 ។ ពេលនេះគេកំពុងតែលេងដើម្បីភាពសប្បាយរីករាយ លេងដើម្បីតែកម្សាន្តអារម្មណ៍តែប៉ុណ្ណោះ។ គេមិនបានខ្វល់ខ្វល់ទាំងអស់ ព្រោះថាគេបានសម្រេចគោលដៅរបស់គេអស់ហើយ»។ នេះជាការពន្យល់របស់លោក Pep Guardiola ។

អ្នកចាត់ការដដែលបាននិយាយបន្ថែមទៀតថា ភារកិច្ចរបស់ Messi នៅពេលនេះគឺជួយអ្នកដែលកំពុងលេងជាមួយឲ្យជោគជ័យម្ដងដូចជាបង្រៀនឲ្យមិត្តរួមក្រុមយល់ពីចំណុចសំខាន់ និងមេរៀនក្នុងបាល់ទាត់ជាដើម។ « Messi ជាកីឡាករដ៏ល្អម្នាក់ក្នុងលោកដែលខ្ញុំធ្លាប់បានបណ្ដុះបណ្ដាល ហើយខ្ញុំអាចក្លាយជាអ្នកការម្នាក់ដ៏អស្ចារ្យក៏ដោយសារគេដែរ»។ នេះជាការបន្ថែមចុងក្រោយរបស់ Pep ៕

Daro Ly