អបអរសាទរ! ក្រុមជម្រើសជាតិប៉ូឡូញ ទម្លាក់ USA ឡើងវគ្គផ្ដាច់ព្រ័ត្រវិញ្ញាសាបាល់ទះកីឡាអូឡាំពិកទីក្រុងប៉ារីស

2024-08-07 16:41:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទះជម្រើសជាតិប៉ូឡូញ បានក្លាយជាក្រុមទីមួយកក់កៅអីឡើងទៅកាន់វគ្គផ្ដាច់ព្រ័ត្រលើវិញ្ញាសាបាល់ទះផ្នែកបុរសក្នុងព្រឹត្តិការណ៍កីឡាអូឡាំពិក នាទីក្រុងប៉ារីសប្រទេសបារាំងឆ្នាំ២០២៤ ក្រោយពួកគេទម្លាក់ក្រុមបាល់ទះជម្រើសជាតិអាមេរិក ៣ ទល់ ២ សិតមុននេះបន្តិច។

ក្រុមជម្រើសជាតិអាមេរិក

តើការប្រកួតរវាងក្រុមទាំងពីរស្វិតស្វាញកម្រិតណា? Sabay សូមបង្ហាញដូចតទៅ៖ នៅសិតទី១ ក្រុមបាល់ទះជម្រើសជាតិប៉ូឡូញ ធ្វើបានល្អមែនទែនដោយពួកគេបានដាក់សម្ពោធយ៉ាងខ្លាំងលើក្រុមបាល់ទះជម្រើសជាតិអាមេរិក។ ទោះបីជាយ៉ាងណាក្រុមទាំងពីរមានគម្លាតពិន្ទុមិនដាច់គ្នាច្រើនឡើយពោលគឺប៉ូឡូញ ២៥-២៣ ប៉ូឡូញ។

នៅសិតទី២ ក្រុមបាល់ទះជម្រើសជាតិអាមេរិក បានយល់ច្បាស់និងបានបំបែកក្បួនដ៏ល្អិតល្មួតរបស់ប៉ូឡូញ និងបានយកឈ្នះពួកគេក្នុងលទ្ធផលពិន្ទុ ២៧-២៥។ ទទួលបានជ័យជម្នះនៅសិតទីពីរ ក្ដីសង្ឃឹមរបស់អាមេរិកទៅកាន់ផ្លូវជ័យជម្នះកាន់តែខ្លាំងក្លា និងទីបំផុតពួកគេបានយកឈ្នះ ប៉ូឡូញ នៅសិតទី៣ ជាបន្តទៀតដោយមានលទ្ធផលពិន្ទុដាច់ឆ្ងាយ ២៥-១៤។

សិតទី៤ ជាសិតតានដ៏តឹងបំផុតសម្រាប់ក្រុមទាំងពីរ ពីព្រោះបើសិនអាមេរិកឈ្នះសិតនេះ នោះពួកគេនឹងឡើងទៅកាន់វគ្គផ្ដាច់ព្រ័ត្រតែម្ដង។ ចំណែកប៉ូឡូញត្រូវការឈ្នះដាច់ខាត ដើម្បីបន្តដណ្ដើមទៅកាន់សិតទី៥ជាសិតកាត់សេចក្ដីចុងក្រោយ។ ពិន្ទុពិតជាប្រដេញគ្នាគួរឱ្យគត់សម្គាល់ ប៉ុន្តែចុងក្រោយក្រុមជម្រើសជាតិប៉ូឡូញបានយកឈ្នះក្នុងលទ្ធផល ២៥-២៣ បន្តទៅសិតទី៥។

សិតទី៥មានតែ១៥គ្រាប់ប៉ុណ្ណោះ ក្រុមទាំងពីរបានប្រកួតគ្នាយ៉ាងស្វិតស្វាញ និងទីបំផុតប៉ូឡូញបានយកឈ្នះក្នុងលទ្ធផលពិន្ទុ ១៥-១៣ ដោយគ្រាប់ចុងក្រោយធ្វើបានសម្រេចដោយស្មាត់ស្ដាំល្បីឈ្មោះវ័យ៣១ឆ្នាំ Wilfredo León។

ក្រុមជម្រើសជាតិប៉ូឡូញ នឹងឡើងទៅចាំក្រុមជម្រើសជាតិបារាំង និងអ៊ីតាលីនៅវគ្គផ្ដាច់ព្រ័ត្រនាថ្ងៃទី១០ ខែសីហា ឆ្នាំ២០២៤ ខណៈទាំងពីរក្រុមនេះនឹងប្រកួតគ្នានៅម៉ោង១ រំលងអាធ្រាតយប់នេះ៕

អត្ថបទ៖ Um Sopheak