នៅក្នុងទីផ្សាររថយន្តនៅកម្ពុជាគឺពិតជាមានការប្រកួតប្រជែងជាខ្លាំង ដូច្នេះការស្វែងរករថយន្តប្រភេទ SUV ដែលមានតុល្យភាពទាំងតម្លៃសមរម្យ ការរចនាស៊េរីថ្មីទាន់សម័យ និងមានមុខងារប្រើប្រាស់ទំនើបៗគឺអាចជាបញ្ហាដែលពិបាកសម្រេចចិត្ត។ ខណៈដែលប្រទេសកម្ពុជាគឺស្ថិតនៅក្នុងទីផ្សារដែលសម្បូរទៅដោយជម្រើសជាច្រើនលើផ្នែករថយន្តថ្មី ដែលជាហេតុផលធ្វើឱ្យការជ្រើសរើសរថយន្តថ្មីប្រភេទ SUV ដែលត្រឹមត្រូវគឺតម្រូវឱ្យមានតុល្យភាពទាំងតម្លៃ ដំណើរការបើកបរល្អ និងមានលក្ខណៈពិសេសច្រើន។ បច្ចុប្បន្ននេះគូរប្រជែងពីរបីប៉ុណ្ណោះដែលលេចធ្លោជាងគេនៅក្នុងផ្នែករថយន្តថ្មីប្រភេទ SUV ៥កៅអីរួមមាន Ford Territory, MG RX5 និង Toyota Corolla Cross។ ជាមួយគ្នានោះដែលរថយន្តទាំង៣នោះគឺផ្តល់នូវការរចនារូបរាងទាក់ទាញមួយបែបម្នាក់ ហើយមុខងារប្រើប្រាស់ប្រហាក់ប្រហែលគ្នា ក៏ប៉ុន្តែពួកគេគឺមានតម្លៃផ្សេងៗគ្នាដើម្បីឱ្យអ្នកទិញពិចារណា ហើយព័ត៌មានលម្អិតនឹងពន្យល់ជូនដូចខាងក្រោម។

នៅក្នុងទីផ្សាររថយន្តថ្មីដែលអ្នកប្រើប្រាស់តែងតែត្រូវការគឺផ្តល់ជូនទាំងតម្លៃល្អ និងមានគុណភាព ហើយរថយន្ត MG RX5 គឺមានភាពលេចធ្លោជាងគេក្នុងទីផ្សាររថយន្តថ្មីប្រភេទ SUV ៥ កៅអីដោយមានតម្លៃសមរម្យជាងគេចាប់ពី $35,990 ជាមួយនឹងការបង់រំលោះប្រចាំខែចាប់ពី $177 ប៉ុណ្ណោះ។ សម្រាប់តម្លៃដ៏ពិសេសនិងសមរម្យជាងគេនេះបានធ្វើឱ្យរថយន្ត MG RX5 ក្លាយជាជម្រើសដ៏ល្អសម្រាប់ការប្រើប្រាស់ជាលក្ខណៈគ្រួសារ អ្នកជំនាញឬម្ចាស់អាជីវកម្ម និងអ្នកដែលកំពុងស្វែងរករថយន្តថ្មីដែលអាចទុកចិត្តបានលើគុណភាព និងភាពទំនើប ដោយមិនចាំបាច់ចំណាយប្រាក់ច្រើន។ រថយន្ត MG RX5 គឺមិនត្រឹមតែមានតម្លៃសមរម្យប៉ុណ្ណោះទេ ថែមទាំងផ្តល់នូវការសន្សំសំចៃដល់ម្ចាស់រថយន្តផងដែរ ដោយសារបច្ចេកវិទ្យាថ្មីចុងក្រោយដែល ស៊ីប្រេងឥន្ធនៈទាប និងបំពាក់ដោយម៉ាស៊ីនសាំងចំណុះ 1.5L ចំនួន 4-cyl និងបន្ថែមដោយតួបូជំនួយ ដែលផលិតថាមពលខ្ពស់ 171សេះ និងផ្តល់បទពិសោធន៍នៃការបើកបរដ៏ល្អ អមជាមួយនឹងមុខងារប្រើប្រាស់ជាច្រើនមានដូចជា៖ អេក្រង់កម្សាន្ត touch screen ទំហំ 12.3-អ៊ីញ, ឧបករណ៏សាកថ្មទូរស័ព្ទឥតខ្សែ, កាមេរ៉ា 360 ដឺក្រេ និងសេនស័រជំនួយ, កុងឌីជីថលផ្តល់ពត៌មានបានច្បាស់ល្អ, ដំបូលលើបិទបើកបានធំ Panoramic Sunroof, ទ្វារឃ្លុបក្រោយបិទបើកអូតូ, កៅអីអេឡិចត្រូនិចសម្រាប់ផ្នែកខាងមុខ,…និងមានមុខងារជាច្រើនទៀត។

ក្រឡេកទៅមើលរថយន្ត Ford Territory វិញក៏ជារថយន្តប្រភេទ SUV ៥កៅអី ដែលលេចធ្លោនិងទទួលស្គាល់ពីសំណាក់អតិថិជននៅក្នុងទីផ្សាររថយន្តថ្មីផងដែរ រថយន្តនេះក៏ផ្តល់នូវថាមពលបើកបរខ្លាំង និងមានមុខងារប្រើប្រាស់ដ៏សំបូរបែប ព្រមទាំងមានការរចនាផ្នែកខាងក្នុងស្រស់ស្អាតជាមួយតម្លៃ $49,900 និងមានបង់រំលោះប្រចាំខែត្រឹមតែ$377 ប៉ុណ្ណោះ។ រថយន្ត Ford Territory បានបំពាក់មកជាមួយម៉ាស៊ីនសាំងចំណុះ 1.5L ចំនួន 4-cly ប្រភេទ Eco Boost ដែលផ្តល់ថាមពល 163hp ជាមួយនឹងលក្ខណៈពិសេសជាច្រើនដូចជ៖ សោរឆ្លាតវៃ smart key, កៅអីអេឡិចត្រូនិច, ហ្វ្រាំងដៃអេឡិចត្រូនិច, តាប់ឡូឌីជីថល, ឧបករណ៍សាកថ្មទូរស័ព្ទឥតខ្សែ, ទ្វារឃ្លុបក្រោយអូតូ និងមុខងារជាច្រើនទៀតដែលប្រហាក់ប្រហែលគ្នាទៅនឹងលក្ខណៈពិសេសរបស់រថយន្ត MG RX5 ដែរ។ យ៉ាងណាក៏ដោយជាមួយនឹងការបង្ហាញវត្តមានរបស់រថយន្ត MG RX5 បានធ្វើឱ្យអ្នកទិញមានជម្រើសមួយបន្ថែមទៀតដែលផ្តល់នូវអត្ថប្រយោជន៍ស្រដៀងគ្នា ប៉ុន្តែតម្លៃខុសគ្នា។ រថយន្ត MG RX5 មានតម្លៃទាបជាងរថយន្ត Ford Territory រហូតដល់ជាង $13,910 ដែលអនុញ្ញាតឱ្យអ្នកទិញអាចសល់ថវិការក្នុងការរកស៊ី ឬពង្រីកអាជីវកម្ម និងសន្សំប្រាក់បានច្រើន។

ម្យ៉ាងវិញទៀត ក្រុមហ៊ុន Toyota ក៏បាននាំចូលនិងបង្ហាញនូវវត្តមានរថយន្ត Toyota Corolla Cross ដែលបានធានាអំពីការរចនាបែបស៊ីវិល័យ និងមានដំណើរការបើកបរខ្លាំងពីម៉ាស៊ីនសាំងចំណុះ 1.8L ចំនួន ៤ស៊ីឡាំង ព្រមទាំងផ្តល់ថាមពលបាន 138hp និងបំពាក់មកជាមួយលក្ខណៈពិសេសជាច្រើនក្នុងតម្លៃត្រឹមតែ $47,900 (ការបង់ប្រចាំខែប្រហែលជា $350 ប៉ុណ្ណោះ) ហើយតម្លៃរថយន្ត Corolla Cross គឺទាបជាង $2,000 បើធៀបនឹង Ford Territory និងតម្លៃខុសគ្នាប្រហែល $11,000 បើប្រៀបធៀបទៅនឹង MG RX5 ដែលចំណុចនេះហើយធ្វើឱ្យអ្នកទិញចោទជាសំណួរថារថយន្តមួយណាដែលចំណេញ។ ខណៈដែលរថយន្តទាំងនោះគឺមានថាមពលកម្លាំងម៉ាស៊ីន និងមុខងារប្រើប្រាស់ស្រដៀងៗគ្នា ដូច្នេះតើរថយន្ត MG RX5 ផ្តល់នូវតុល្យភាពនៃតម្លៃ និងលក្ខណៈពិសេសកាន់តែប្រសើរដែរឬទេ? ប្រសិនបើអ្នកដែលផ្តល់អាទិភាពលើការសន្សំសំចៃលើតម្លៃរថយន្ត ហើយមិនមានការកាត់បន្ថែមគុណភាពឬមុខងារប្រើប្រាស់ នោះរថយន្ត MG RX5 គឺជាជម្រើសដ៏ល្អបំផុត។

សរុបមក រថយន្ត MG RX5 មានតម្លៃត្រឹមតែ $35,990 ហើយតម្លៃរថយន្ត Toyota Corolla Cross គឺ $47,900 ដែលជាគូរប្រកួតខ្លាំងជាមួយរថយន្ត Ford Territory ដែលមានតម្លៃ $49,900។ នៅក្នុងភាពខុសគ្នានៃតម្លៃរថយន្តទាំង៣នេះគឺខុសគ្នា ជាង $10,000 ដែលជាសញ្ញាបញ្ជាក់ថារថយន្ត MG RX5 ជាជម្រើសដ៏ល្អបំផុតសម្រាប់អ្នកទិញដែលគិតគូរពីការចំណេញនិងវិនិយោគត្រឹមត្រូវលើរថយន្តថ្មីដោយមិនបាត់បង់គុណភាពនិងមុខងារប្រើប្រាស់។ ជម្រើសឈ្នះៗសម្រាប់អ្នកទិញរថយន្តប្រភេទ SUV គឺមិនពិបាកសម្រេចចិត្តទៀតនោះទេ ជាមួយរថយន្ត MG RX5 អតិថិជនមិនត្រូវការចំណាយថវិការច្រើន ដើម្បីទទួលបានរថយន្តថ្មីប្រភេទដែលមានមុខងារប្រហាក់ប្រហែលទៅនឹងរថយន្តថ្លៃៗទៀតនោះ ហើយថែមទាំងទទួលបាន បទពិសោធន៍ល្អបំផុតក្នុងការបើកបរទៀតផង។ នេះគឺមិនត្រឹមតែជាជម្រើសដ៏ឆ្លាតវៃលើផ្នែកហិរញ្ញវត្ថុប៉ុណ្ណោះទេ ប៉ុន្តែក៏ជារថយន្តដែលទំនើប និងបំពាក់នូវមុខងារដ៏សំបូរបែបផងដែរ៕