Erik Ten Hag បារម្ភក្រុមមិនទាន់រួចរាល់ក្នុងការប្រកួតទល់ Fulham

2024-08-16 01:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Erik Ten Hag អ្នកចាត់ការរបស់ក្រុមបិសាចក្រហម Manchester United បានសម្ដែងការបារម្ភសម្រាប់ជំនួបទល់ក្រុម Fulham ក្នុងពានរង្វាន់ English Premier League ដែលជាការប្រកួតសប្ដាហ៍ដំបូងនាយប់ថ្ងៃសុក្រទី១៦ វេលាម៉ោង២រំលងអាធ្រាត្រឈានចូលថ្ងៃទី១៧ ខែសីហ ឆ្នាំ២០២៤។

ការចុះកុងត្រានាំយក Matthijs De Ligt និង Noussair Mazraoui និងដាក់ក្នុងជម្រើស១១នាក់ បន្ទាប់ពីទើបតែមកដល់កាលពីថ្ងៃអង្គារ។ ខណៈដែលការហ្វឹកហាត់ជុំគ្នាជាក្រុមហាក់បានតិចតួចនៅឡើយ។ ជាមួយគ្នានោះ Luke Shaw ដែលគេដឹងថាបានជាមានរបួសវិញ ហើយបានចូលលេងកាលនៅ EURO ៣ប្រកួតចុងក្រោយនោះ ក៏ត្រឡប់ទៅជាមានរបួសវិញ បន្ថែមលើសពីនេះ Yoro ដែលជាខ្សែការពារទើបនាំចូលត្រូវអវត្តមានរហូតដល់៣ខែ បូករួមទាំងខ្សែប្រយុទ្ធ Rasmus Hojlun ក៏មានរបួសសរសៃពួរថែមទៀត។

«ក្រុមយើងមិនទាន់រួចរាល់ ស្របពេលលីគចាប់ផ្ដើម។ ក្នុងនាមយើងជាអ្នកចាត់ការយើងមើលឃើញពីបញ្ហា ប៉ុន្តែធ្វើម៉េចយើងត្រូវតែទទួលយក។ យើងមិនអាចលាក់បាំងវាឡើយ ហើយយើងក៏មិនអាចរត់ចោលបញ្ហាទាំងអស់នោះដែរ យើងត្រូវតែជំនះវាហើយធ្វើវាឲ្យបាន។ នេះជាការលើកឡើងរបស់ Ten Hag ។

អ្នកចាត់ការដដែលបញ្ជាក់ទៀតថា គ្រប់យ៉ាងមិនមែនមកពីការដាក់អ្នកណាឲ្យលេងនោះទេ។ បញ្ហាវាស្ថិតនៅត្រង់ចំណុចដូចដែលលោកធ្លាប់បានលើកឡើងកាលពីរដូវកាលដូច្នេះឯងគឺថា កីឡាករគឺរួចរាល់ ហើយប្រាកដចិត្តហើយឬនៅ ថាពួកគេអាចធ្វើការជាក្រុមបានល្អ ដើម្បីឲ្យក្រុមលេងបានក្នុងកម្រិតមួយដែលខ្ពស់នោះ៕

ប្រភព៖ BBC Daro Ly