Lukaku កំពុងកៀកនឹងផ្លាស់ទៅកាន់ Napoli

2024-08-19 13:26:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Romelu Lukaku កំពុងតែកៀកនឹងផ្លាស់ទៅកាន់ក្លឹប Napoli ។ នេះបើយោងតាមការចុះផ្សាយរបស់ Fabrizio Romano នៅក្នុងថ្ងៃនេះ។

ការចរចាជាផ្លូវការរវាងក្លឹប Napoli និង Chelsea កំពុងតែធ្វើឡើង ដោយបើតាមប្រភពខាងលើនេះ Napoli ជិតចរចាត្រូវរ៉ូវជាមួយនឹងតោខៀវហើយ។

ដំបូងឡើយ ក្លឹបទាំងពីរនេះចង់ធ្វើការផ្លាស់ប្ដូរកីឡាកររវាង Lukaku និង ខ្សែប្រយុទ្ធ Victor Osimhen ប៉ុន្តែសម្រេចសម្រួលមក រវាងកីឡាករទាំងពីរនេះនឹងធ្វើការចរចាទិញលក់ដាច់ចេញពីគ្នាដាច់ដោយឡែក។

កាលពីចរចាកន្លងមកនេះ Napoli ចង់បាន Lukaku ក្នុងតម្លៃ ៣២.៨លានដុល្លារ ដោយលក់ Osimhen ក្នុងតម្លៃ ១១៥លានដុល្លារទៅឲ្យ Chelsea ប៉ុន្តែខាង Chelsea មិនព្រម ជាពិសេសនោះគឺតោខៀវចង់លក់ Lukaku ក្នុងតម្លៃ ៥១លានដុល្លារ។

យ៉ាងណាក៏ដោយក្នុងខណៈនេះ ការចរចាទិញលក់កីឡាករទាំងពីររូបនេះគឺដាច់ដោយឡែកពីគ្នា ដោយនៅខណៈនេះ Chelsea ផ្ដោតទៅលើធ្វើយ៉ាងណាលក់ Lukaku ចេញ ហើយការទិញ Osimhen ជារឿងបន្តបន្ទាប់។

មកទល់នឹងនេះការចរចារវាងក្លឹបទាំងពីរទៅលើ Lukaku គឺជិតត្រូវរ៉ូវគ្នាហើយ ប៉ុន្តែបញ្ហាបន្ទាប់នោះគឺបញ្ហាប្រាក់ពលកម្មទៅលើ Lukaku ដោយនៅ Chelsea កីឡាករបែលហ្ស៊ិកនេះទទួលប្រមាណ ៤២០,០០០ដុល្លារក្នុងមួយសប្ដាហ៍ បើកីឡាករនេះព្រមផ្លាស់ទៅត្រូវកាត់ប្រាក់ពលកម្មនេះមួយចំនួន។