មិនឱ្យរំលងក្នុងការចូលរួមជួយកិច្ចការងារសង្គមនោះឡើយ តារាចម្រៀងដ៏មានទឹកដម លោក ខាន់ ជេមស៌ បានចូលរួមបរិច្ចាគថវិកាផ្ទាល់ខ្លួនចំនួន ២០លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ដើម្បីចូលរួមជាមួយរាជរដ្ឋាភិបាល សម្ដេច មហាបវរធិបតី ហ៊ុន ម៉ាណែត ដែលបានផ្តួចផ្តើមគំនិតបង្កើតនូវមូលនិធិកសាងហេដ្ឋារចនាសម្ព័ន្ធតាមបណ្ដោយព្រំដែន ដើម្បីការពារបូរណភាពទឹកដី និងជាផ្លូវសេដ្ឋកិច្ចសម្រាប់ការធ្វើពាណិជ្ជកម្មរបស់ប្រជាពលរដ្ឋ និងការអភិវឌ្ឍន៍ប្រទេសជាតិ។

បន្ថែមពីលើនោះ លោកក៏បាននាំកូនៗទាំង ៣នាក់ ចូលរួមបរិច្ចាគថវិកាម្នាក់ ១លានរៀល ផងដែរ ជាការបង្ហាញពីស្មារតីចូលរួមជាមួយរាជរដ្ឋាភិបាលក្នុងការអភិវឌ្ឍន៍ ហេដ្ឋារចនាសម្ព័ន្ធតាមតំបន់ព្រំដែន។ សកម្មភាពរបស់ម្ចាស់បទ «ចៀសបងមិនរួច» និងកូនៗ ជាគំរូល្អសម្រាប់ការបង្ហាញទៅកាន់សាធារណជនទូទៅ។

ក្រៅពីតារាចម្រៀង ខាន់ ជេមស៌ និងកូនៗទាំង ៣ នៅមានតារាចម្រៀងរួមទ្រនំជាច្រើនទៀត ដូចជា ព្រាប សុវត្ថិ , ខេមរៈ សេរីមន្ត ,តន់ ចន្ទសីម៉ា, ខេម , គូម៉ា និងតារាជាច្រើនទៀត៕