កីឡាករប្រណាំងម៉ូតូស្ព័រកម្ពុជា ឈឹម ពិសិដ្ឋ បានចូលរួមប្រកួតជម្រុះក្នុងព្រឹត្តិការណ៍ប្រណាំងម៉ូតូ Malaysia Speed Festival (MSF) Merdeka Race 2024 នៅប្រទេសម៉ាឡេស៊ី បានឡើងប្រកួតក្នុងកម្រិតខ្ពស់ជាងពីការចុះឈ្មោះដំបូង គឺត្រូវប្រកួតក្នុង Class Supper Sport 600cc វិញ។

កីឡាករ ឈឹម ពិសិដ្ឋ បានបញ្ជាក់ពីទីលានប្រកួតនៃប្រទេសម៉ាឡេស៊ីមកថា ខ្លួនបានចូលរួមប្រកួត Supper Sport Riki ដែលជាកម្រិតទាបសម្រាប់អ្នកចូលរួប្រកួតដំបូង។ ប៉ុន្តែលទ្ធផលល្អ​ពី​ការ​ប្រកួត​ជម្រុះ​បាន​ធ្វើ​ឱ្យ​យុវជនកម្ពជារួបនេះឡើង​ទៅ​ចូលរួមប្រកួតជាមួយកីឡាករអន្តរជាតិកម្រិតខ្ពស់ Class Supper Sport 600cc វិញ។

ជើង​ខ្លាំង​ផ្នែក​ម៉ូតូ​ស្ព័រ​ខាង​លើ​បន្ថែម​ទៀត​ថា ដោយ​សារ​តែ​ធ្វើ​បាន​ល្អ​ពោល​ស្ថិតិ​នាទី​ដែល​ធ្វើ​បាន​ក្រោម​ការ​កំណត់​ ២.២៩​ នាទី​ចុះ​ក្រោយ​ត្រូវ​អនុញ្ញាត​ឲ្យ​ទៅ​លេង​លើ​វិញ្ញាសា​ Class Supper Sport 600cc​ វិញ។​ តាម​រយៈ​ការ​បង្ហាញ​ខ្លួន​ដំបូង​នេះ​របស់​ ឈឹម ពិសិដ្ឋ​ ជា​ស្ថិតិ​ល្អ​មួយ​សម្រាប់​កម្ពុជា។​

សូមបញ្ជាក់ថា ការប្រណាំងម៉ូតូ Malaysia Speed Festival (MSF) Merdeka Race 2024 នៅប្រទេសម៉ាឡេស៊ី កីឡាករ ឈឹម ពិសិដ្ឋ ត្រូវប្រណាំងវិញ្ញាសា ម៉ូតូស្ព័រ 600cc Super Roki (ចុះឈ្មោះដំបូង) ចាប់ពីថ្ងៃទី៣០ ខែសីហា ដល់ថ្ងៃទី១ ខែកញ្ញា ឆ្នាំ២០២៤៕

អត្ថបទ៖ នួន ស៊ីណា​