កីឡាសប្បុរសធម៌ AIA Pink Run 2024 ស្វាគមន៍ចំពោះការចូលរួមពីមហាជន

2024-09-06 08:01:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍កីឡារត់ប្រណាំងបែបសប្បុរសធម៌ AIA Pink Run 2024 បានមកដល់ទៀតហើយកំពុងស្វាគមន៍ចំពោះមហាជនទូទាំងប្រទេសដែលមានបំណងចុះឈ្មោះចូលរួមនៅថ្ងៃទី១៣ ខែតុលា នៅរាជធានីភ្នំពេញ នាពេលខាងមុខនេះ។

រូបភាពផេក Olympic Cambodia

ឯកឧត្ដម វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា អំពាវនាវដល់ប្រជាពលរដ្ឋពិសេសអ្នកចូលចិត្តកីឡារត់ប្រណាំងដែលមានបំណងចង់ចូលរួមព្រឹត្តិការណ៍ AIA Pink Run 2024 សូមរួសរាន់ចុះឈ្មោះដើម្បីឲ្យគណៈកម្មការរៀបចំបានត្រៀមលក្ខណៈទាន់ពេលវេលាទាំងសម្ភាស និងមេដាយជាដើម។

ក្នុងនាមគណៈកម្មការរៀបចំត្រៀមខ្លួនជានិច្ចក្នុងការសហការដល់ការចុះឈ្មោះរបស់មហាជន និងរៀបចំត្រៀមសម្រាប់ការប្រកួតនៅឆ្នាំនេះឲ្យកាន់តែល្អប្រសើរជាងឆ្នាំមុនៗទៅទៀត។ ព្រឹត្តិការណ៍នេះចលនាកីឡាបែបសប្បុរសធម៌ថវិកាដែលទទួលបាននឹងយកទៅប្រើប្រាស់លើការឧបត្ថម្ភដល់អង្គការ មន្ទីរពេទ្យ សាលារៀនជាដើម។

រូបភាពផេក Olympic Cambodia

បញ្ជាក់ដែរថា ព្រឹត្តិការណ៍កីឡារត់ប្រណាំង AIA Pink Run 2024 នឹងធ្វើឡើងនៅថ្ងៃទី១៣ ខែតុលា នៅមុខវត្តបទុមវតី រាជធានីភ្នំពេញ។ វិញ្ញាសាប្រកួតរួមមាន 2.5Km, 5Km និង 10Km។ មហាជនអាចទំនាក់ទំនងចុះឈ្មោះបានតាមរយៈហ្វេសបុកផេក Cambodia Events Organizer ឬតាមលេខទូរសព្ទ 015 213 525, 069 213 525៕