មកស្គាល់ការដោះដូរកីឡាករថ្លៃបំផុតសម្រាប់រដូវកាលឆ្នាំ២០២៤/២៥

2024-09-09 11:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារដោះដូរកីឡាករលីគកំពូលអឺរ៉ុបទាំង៥ ត្រូវបានបិទបញ្ចប់កាលពីដើមខែកញ្ញា ឆ្នាំ២០២៤កន្លងទៅនេះ បន្ទាប់ពីបើកឲ្យដោះដូរកីឡាករជិត២ខែកន្លងមក។

សម្រាប់រដូវកាលនេះឆ្នាំ២០២៤/២៥ តម្លៃក្នុងការដោះដូរកីឡាករសម្រាប់លីគកំពូលអឺរ៉ុបទាំង៥ មិនមានអ្វីគួរឲ្យភ្ញាក់ផ្អើលនោះទេ ដោយតម្លៃក្នុងការទិញដូរគឺទាប។

កីឡាករដែលដោះដូរក្នុងតម្លៃខ្ពស់ជាងគេក្នុងរដូវកាលឆ្នាំ២០២៤/២៥ នេះគឺ ខ្សែប្រយុទ្ធ Julian Alvarez។

កីឡាករនេះបានចាកចេញពី Manchester City មកកាន់ Atletico Madrid ក្នុងតម្លៃខ្លួន ៧៥លានអ៊ឺរ៉ូ ដោយមានកុងត្រារយៈពេល៦ឆ្នាំ។

គិតចាប់ពីចូលរួមជាមួយ Man City កាលពី ២០២២ មក ខ្សែប្រយុទ្ធ Julian Alvarez លេងសរុប ១០៣ ប្រកួត និងស៊ុតចូល ៣៦ គ្រាប់ឲ្យក្លឹប និងឈ្នះពានធំៗជាច្រើនជាមួយក្លឹបដូចជា ពានលីគកំពូលអង់គ្លេស ពាន FA Cup និងពាន UEFA Champions League។

កីឡាកររូបនេះ គឺជាកីឡាករដ៏សំខាន់មួយរូបរបស់ក្លឹប តែដោយចង់លេងច្រើនប្រកួតជាងនៅ Man City កីឡាករក៏ចង់ចាកចេញពីក្លឹប ដើម្បីទៅរកក្លឹបណាដែលផ្ដល់តួនាទីស្នួលឲ្យរូបគេជាខ្សែប្រយុទ្ធបង្គោលរបស់ក្លឹប។ នៅ Man City បច្ចុប្បន្ន ខ្សែប្រយុទ្ធ Erling Haaland គឺជាខ្សែប្រយុទ្ធបង្គោលរបស់ក្លឹប៕