​កូឡុំប៊ី ​បាន​យក​ឈ្នះ​ទៅ​លើ ​អាហ្សង់ទីន ២-១ ក្នុង​ការ​ប្រកួត​ជម្រុះ​ CONMEBOL World Cup ​កាល​ពី​ព្រឹក​ថ្ងៃ​ទី​១១ ខែ​កញ្ញា ឆ្នាំ​២០២៤ នៅ​ទឹក​ដី​កូឡុំប៊ី ដើម្បី​បញ្ចប់​ភាព​មិន​ចាញ់​១១​ប្រកួត​ជាប់​គ្នា​របស់​អាហ្សង់ទីន​។

គិត​មក​ដល់​ពេល​នេះ​គឺ​មាន​រយៈ​ពេល​១​ឆ្នាំ​ ដែល​ស្មើ​ហ្នឹង​១១​ប្រកួត​មក​ហើយ ដែល​​ ​​អាហ្សង់ទីន មិន​​ចាញ់​សោះ​ចូល​មក​ដល់​ការ​ប្រកួ​ត​ទី​១២​​ក្នុង​ឆ្នាំ​២០២៤​​នេះ​ កូឡុំប៊ី​ ​ជា​​អ្នក​បញ្ចប់​កំណត់​ត្រា​នេះ​ដោយ​២​គ្រាប់​របស់​​ម្ចាស់​ផ្ទះ​រក​​បាន​ដោយ​ខ្សែ​ការពារ Yerson Mosquera Valdelamar ​នាទី​ទី​២៥ និង ១​គ្រាប់​ទៀត​រក​បាន​ដោយ​ James Rodriguez ​ដោយ​បាល់​ប៉េណាល់ទី​នាទី​ទី​៦០ ។ ១​គ្រាប់​តាម​បាន​ត្រឡប់​មកវិញ​មុន​ពេល James រក​បាន​​គ្រាប់​បាល់​ជ័យ​ជម្នះ​របស់​ កូឡុំប៊ី គឺ​រក​​បាន​ដោយ​ខ្សែ​បម្រើ​ស្លាប N. González ។

ដ្បិត​ថា​ចាញ់​ប្រកួត​នេះ​មែន ប៉ុន្តែ​អាហ្សង់ទីន នៅ​តែ​កាន់​កាប់​កំពូល​តារាង​​ក្នុង​ការ​ប្រកួត​ជម្រុះ ​ CONMEBOL World Cup ដដែល​ដោយ​មាន​១៨​ពិន្ទុ​តាម​ពី​ក្រោយ​ដោយ កូឡុំប៊ី នេះ​ឯង​ដែល​មាន​១៦​​ពិន្ទុ​៕ ​​​​