NOCC៖ ផ្ដល់អនុសាសន៍ដល់សហព័ន្ធឃីកប៊ុកស៊ីង ពិនិត្យ និងស្វែងរកថ្នាលដើម្បីអាចដាក់ចូលការប្រកួតកីឡាយុវជនអាស៊ី ឆ្នាំ២០២៩ កម្ពុជាជាម្ចាស់ផ្ទះ

2024-09-13 07:38:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានផ្ដល់អនុសាសន៍ដល់សហព័ន្ធឃីកបុកស៊ីងកម្ពុជា ឲ្យត្រៀមលក្ខណៈដូចជាស្វែងរកថ្នាល បណ្ដុះធនធាន ឲ្យបានគ្រប់គ្រាន់ដើម្បីមានឱកាសដាក់បញ្ចូលឲ្យលេងនៅការប្រកួតកីឡាយុវជនអាស៊ី ឆ្នាំ២០២៩ កម្ពុជាជាម្ចាស់ផ្ទះ។

ឯកឧត្ដម វ៉ាត់ ចំរើន

ថ្លែងក្នុងថ្ងៃមហាសន្និបាទបញ្ចប់អាណត្តិទី១ កាលពីថ្ងៃទី៩ ខែកញ្ញា ឆ្នាំ២០២៤ នេះ ឯកឧត្ដម វ៉ាត់ ចំរើន បានផ្ដល់អនុសាសន៍ជូនទៅឯកឧត្ដម ហេង សុឃន ប្រធានសហព័ន្ធឲ្យពិនិត្យរៀបចំខ្លួនចាប់ពីពេលនេះស្វែងរកធនធានថ្នាលឲ្យត្រឹមត្រូវគ្រប់លក្ខខណ្ឌ ដូចជាប្រភេទអាយុចាប់ពី ១៧-១៨-១៩ នៅពេលការប្រកួតមកដល់ក្នុងឆ្នាំ ២០២៩ ។ បន្ថែមពីនេះត្រូវបណ្ដុះធនធានឲ្យមានសមត្ថភាពខ្ពស់អាចប្រជែងជាមួយបណ្ដាប្រទេសដែលមកចូលរួមខ្ទង់ជាង៤០ ប្រទេសនៅអាស៊ីនេះ ។

ឯកឧត្ដម ហេង សុឃន

អ្នកជំនាញផ្នែកកីឡាខាងលើនេះបន្ថែមទៀតថា ដើម្បីដាក់បញ្ចូលប្រភេទកីឡាផ្សេងៗទៅបានលុះត្រាតែសហព័ន្ធ ឬប្រភេទកីឡានោះមានធនធានគ្រប់គ្រាន់មានលក្ខណៈសមស្របតាមលក្ខខណ្ឌទើបឈានដល់ការសម្រេចថាដាក់ឲ្យលេងក្នុងព្រឹត្តិការណ៍ធំជាប្រវត្តិសាស្ត្ររបស់កម្ពុជាលើកនេះ ។

ឯកឧត្ដម ហេង សុឃន

បញ្ជាក់ដែរថា ប្រទេសកម្ពុជាទទួលរៀបចំការប្រកួតកីឡាយុវជនអាស៊ី ឆ្នាំ ២០២៩ ដែលមានប្រទេសជាង៤០ នឹងអត្តពលិករាប់រយនាក់នឹងមកចូលរួមនៅកម្ពុជា។ យ៉ាងណាកម្ពុជាដែលជាម្ចាស់ផ្ទះរៀបចំព្រឹត្តិការណ៍ធំជាប្រវត្តិសាស្ត្រនេះកំពុងធ្វើតាមដំណាក់កាលជាបណ្ដើរៗទៅហើយដើម្បីរៀបចំខ្លួនឲ្យរួចរាល់នៅឆ្នាំ ២០២៩ មកដល់៕