Ten Hag ថា ក្រុមរបស់លោកត្រូវការពេលបន្ថែមទៀតដើម្បីឆ្ពោះទៅរកភាពជោគជ័យទាំងអស់គ្នា

2024-09-30 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចាញ់យ៉ាងអាម៉ាស់ក្រោមថ្វីជើងក្រុមភ្ញៀវ Tottenham Hotspur អ្នកចាត់ការក្រុមបិសាចក្រហមលោក Erik Ten Hag បាននិយាយថាក្រុមរបស់លោកត្រូវការពេលបន្ថែមទៀត ដើម្បីស្វែងរកចំណុចល្អមួយក្នុងទិសដៅឆ្ពោះទៅរកភាពជោគជ័យទាំងអស់គ្នា។

នេះជាការបរាជ័យលើកទី២ក្នុងលទ្ធផល៣-០ក្នុងដីខ្លួនឯង បន្ទាប់ពីកាលចាញ់លើកទី១នៅទឹកដីរបស់ខ្លួនឯងដូចគ្នាកាលពីខែកញ្ញាក្រោមថ្វីជើង Liverpool ក្នុងលទ្ធផលដូចគ្នានេះដែរ។ «យើងទាំងអស់គ្នាបានធ្វើការសម្រេចចិត្តរួមមួយ ទាំងថ្នាក់ដឹកនាំ និងក្រុមអ្នកដឹកនាំក្នុងក្រុមទាំងមូល ការសម្រេចចិត្តដើរទៅមុខរួមគ្នានេះ បន្ទាប់ពីឆ្លងកាត់ការត្រួតពិនិត្យយ៉ាងច្បាស់ ហើយទិសដៅអ្វីដែលយើងត្រូវធ្វើបន្តទៀត និងទិសដៅក្នុងការបង្កើតក្រុមមួយដ៏ខ្លាំងបាន»។ នេះជាការបញ្ជាក់បន្ថែមរបស់លោក Erik Ten Hag ។

អ្នកចាត់ការសញ្ជាតហុល្លង់ដដែលបន្ថែមទៀតថា រាល់ការសម្រេចចិត្តទាំងអស់ ធ្វើឡើងដោយភាពរួបរួមមួយ ហើយវាពិតណាស់គឺក្លិបត្រូវការពេលវេលាបន្តិចទៀតដើម្បីធ្វើវាឲ្យកាន់តែល្អប្រសើរឡើង។ រាល់ការរៀបចំអ្វីដែលចង់បានភាពជោគជ័យគឺពិតណាត់តែងតែត្រូវការពេលបន្តិចទៀត គ្រប់គ្នាកំពុងធ្វើរឿងដែលឆ្ពោះទៅរកភាពប្រសព្វមួយ ហើយក៏កំពុងតែជិះទូកជាមួយគ្នាដែរ ទាំងប្រធានក្លឹប ទាំងអ្នកដឹកនាំ និងបូករួមទាំងកីឡាករផងដែរ៕

ប្រភព៖ PhoneArena Daro Ly