AIA PINK RUN៖ ជាព្រឹត្តិការណ៍លើកកម្ពស់សុខភាពសាធារណៈ ខណៈការប្រកួតម្សិលមិញមានអ្នកចូលរួមច្រើនកុះករ

2024-10-14 04:11:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍រត់ប្រណាំង AIA PINK RUN បានបញ្ចប់ទៅហើយកាលពីព្រឹកម្សិលមិញនេះដោយមានអ្នកចូលរួមយ៉ាងច្រើនកុះករស្របពេលថ្នាក់ដឹកនាំផ្នែកកីឡានៅកម្ពុជាបញ្ជាក់ថានេះជាចលនាកីឡាលើកកម្ពស់សុខភាពសាធារណៈប្រជាពលរដ្ឋឲ្យកាន់តែប្រសើរឡើង។

រូបភាព Olympic Cambodia

ថ្លែងក្រោយបញ្ចប់ពិធីបំពាក់មេដាយឯកឧត្ដម វ៉ាត់ ចំរើន បានឲ្យដឹងថា អ្នកចូលរួមរត់ក្នុងព្រឹត្តិការណ៍ AIA PINK RUN ឆ្នាំនេះមានរហូតជិត ៤០០០នាក់ដែលភាគច្រើនជាអ្នកនៅភ្នំពេញរួមទាំងបរទេសដែលកំពុងធ្វើនៅកម្ពុជាផងដែរ។

រូបភាព Olympic Cambodia

AIA PINK RUN នេះពិតជាមានសារសំខាន់ពិសេសការជំរុញលើការលេងកីឡារបស់មហាជនឲ្យកាន់តែច្រើនដើម្បីឲ្យគ្រប់គ្នាបានថែរក្សាសុខភាព និងមានសុខភាពល្អកាត់បន្ថយការចំណាយថវិកាលើការព្យាបាលជំងឺផ្សេងៗផងដែរ។ មួយវិញទៀតប្រជាពលរដ្ឋមានសុខភាពល្អជាធនធានមួយដែលសំខាន់ក្នុងការចូលរួមអភិវឌ្ឍន៍សង្គមជាតិជាមួយរាជរដ្ឋាភិបាលកាន់តែលឿនផងដែរ។

រូបភាព Olympic Cambodia

ឯកឧត្ដម វ៉ាត់ ចំរើន រួមទាំងគណៈកម្មការរៀបចំកំពុងនឹងពិនិត្យផងដែរលើការបន្ថែមវិញ្ញាសារត់ដែលមានចម្ងាយឆ្ងាយជាង ១០គីឡូម៉ែត្រនេះបន្ថែមទៀតនៅឆ្នាំក្រោយៗតបទៅនិងការស្នើសុំពីបណ្ដាអ្នករត់នាពេលកន្លងមកនិងមានភាពទាក់ទាញចំពោះអ្នករត់ចម្ងាយៗផងដែរ។

រូបភាព Olympic Cambodia

បញ្ជាក់ដែរថា ព្រឹត្តិការណ៍រត់ប្រណាំង AIA PINK RUN នេះប្រព្រឹត្តិទៅកាលពីព្រឹកថ្ងៃទី១៣ ខែតុលា ឆ្នាំ២០២៤ នៅមុខវត្តបទុមវតី ក្នុងរាជធានីភ្នំពេញ។ ម្សិលមិញព្រឹត្តិការណ៍នេះទទួលបានអ្នករត់រហូតជិត ៤០០០នាក់ឯណោះ៕