ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

2024-11-05 03:31:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឱកាសដ៏អស្ចារ្យសម្រាប់ប្រទេសកម្ពុជា ដាវីន ប្រាសាទ អាយុ ៣៣ ឆ្នាំបានគ្រងមកុដបវរកញ្ញាចក្រវាលកម្ពុជាឆ្នាំ ២០២៤ ដោយក្លាយជាស្ត្រីរៀបការដំបូងគេ និងជាម្ដាយដែលបានគ្រងតំណែងដ៏មានកិត្យានុភាពនេះ។ ដាវីន ប្រាសាទនឹងតំណាងឲ្យប្រទេសកម្ពុជាក្នុងការប្រកួតបវរកញ្ញាចក្រវាលឆ្នាំ២០២៤នេះ នៅទីក្រុងម៉ិកស៊ិកូនៅថ្ងៃទី១៦ ខែវិច្ឆិកា។

ជយលាភីរបស់ ដាវីន ប្រាសាទ គឺជាព្រឹត្តិការណ៍ដ៏សំខាន់មួយសម្រាប់ប្រទេសកម្ពុជា ដែលមិនមានបេក្ខនារីកម្ពុជាណាម្នាក់បានឈានដល់ដំណាក់កាលចុងក្រោយនៃការប្រកួតបវរកញ្ញាចក្រវាលនេះទេ។ ក្នុងសុន្ទរកថាដែលបានថ្លែងដោយ ដាវីន ប្រាសាទ នាងបានបង្ហាញពីមោទនភាពក្នុងការតំណាងឱ្យស្ត្រីកម្ពុជាដោយនិយាយថា "ខ្ញុំសង្ឃឹមថានេះ គឺជានិមិត្តរូបតំណាងឲ្យសក្ដានុពលដែលគ្មានព្រំដែនទៅកាន់ស្ត្រីគ្រប់រូប"។

យើងបានដឹងហើយថាអស់រយៈពេលជាច្រើនទស្សវត្សមកហើយ នៃការប្រកួតបវរកញ្ញាចក្រវាលបានអនុញ្ញាតិឱ្យតែស្ត្រីដែលមិនទាន់រៀបការចូលរួមប្រកួតដោយមិនរាប់បញ្ចូលស្ត្រីដែលបានរៀបការ ម្តាយ ឬមានអាយុលើសពីអាយុជាក់លាក់ណាមួយឡើយ។

ជាមួយនឹងការផ្លាស់ប្តូគោលការណ៍កម្មវិធីប្រកួតនាពេលថ្មីៗនេះ បានអនុញ្ញាតឱ្យស្ត្រីដែលរៀបការហើយ ម្តាយ និងស្រ្តីគ្រប់វ័យអាចចូលរួមកម្មវិធីប្រកួតបវរកញ្ញាចក្រវាលនេះ។ ដាវីន ប្រាសាទបានក្ដោបយក ឱកាសមួយនេះដើម្បីដើរតាមក្ដីសុបិនរបស់នាងដែលអនុញ្ញាតឱ្យនាងឈានជើងចូលទៅក្នុងការប្រកួតជាប្រវត្តិសាស្ត្រដើម្បីធ្វើការបង្ហាញពីភាពជឿជាក់និងសមត្ថភាពរបស់នាង ក្នុងនាមជាអ្នកម្តាយដំបូងគេដែលបានគ្រងមកុដបវរកញ្ញាចក្រវាលកម្ពុជា។

សមិទ្ធិផលនិងភាពជោជ័យរបស់ ដាវីន ប្រាសាទ ត្រូវបានរៀបចំឡើង នៅក្នុងពិធី គ្រងមកុដ ដោយលោកស្រី ម៉ែន សំអន ទីប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា។ ដាវីន ប្រាសាទក៏ធ្លាប់ទទួលបានការទទួលស្គាល់ជាអន្តរជាតិដោយការឈ្នះជុំទី៤នៃការប្រកួតបវរកញ្ញាសកលឆ្នាំ២០២៣ នៅទីក្រុងឌូបៃ ប្រទេសអារ៉ាប់រួម។

ជាមួយនឹងជ័យជម្នះជាប្រវត្តិសាស្ត្ររបស់នាង ដាវីន ប្រាសាទបាននាំមកនូវក្តីសង្ឃឹមថ្មី និង មុខមាត់ ដល់ស្ត្រីកម្ពុជាទៅកាកពិភពលោកដោយបំផុសគំនិតឲ្យស្ត្រីដទៃបន្តក្តីសុបិនរបស់ពួកគេដោយមិនថាស្ថិតក្នុងទំនៀមទំលាប់ ប្រពៃណីបែបណាក៏ដោយ។

អត្ថបទ៖ Tan Dalya