លោក Enzo Maresca អ្នក​ចាត់​ការ​របស់​ក្រុម​តោ​ខៀវ Chelsea នឹង​ត្រូវ​ដឹក​នាំ​ក្រុម​របស់​ខ្លួន​មក​កាន់​ទឹក​ដី Old Trafford របស់​បិសាច​ក្រហម Manchester Unites​ វេលា​ម៉ោង ១១​:៣០ នាទី​​យប់​ថ្ងៃ​អាទិត្យ​​ទី​៣ ​ខែ​វិច្ឆិកា ឆ្នាំ​២០២៤ ស្អែក​នេះ​ក្នុង​ជំនួប​សប្ដាហ៍​ទី​១០ ក្នុង​ក្រប​ខ័ណ្ឌ​ English Premier League ។

​​ក្នុង​ជំនួប​ធំ​ប្រចាំ​សប្ដាហ៍​របស់ EPL ខាង​លើ​គេ​​នៅ​ចាំ​បាន​ថា តាំ​ង​ពី​ឆ្នាំ​២០១៣ មក​ដល់​ពេល​នេះ​ Chelsea មិនដែល​ឈ្នះ​លេង​ឈ្នះ Manchester United ម្ដង​ណា​ឡើយ​ក្នុង​ទឹក​ដី Old Trafford របស់​បិសាច​ក្រហម​។ យ៉ាង​ណា​​ក្នុង​ជំនួប​​នា​​សប្ដាហ៍​​ទី​១០​នេះ​​លោក​​ Enzo Maresca ហាក់​មាន​ជំនឿ​ចិត្ត​ថា កូន​ក្រុម​របស់​លោក​នឹង​កែ​ប្រែ​​ប្រវត្តិសាស្ត្រ​នេះ​បាន។

អ្នក​ចាត់​ការ​វ័យ​៤៤​ឆ្នាំ​រូប​នេះ​បាន​និយាយ​ថា «...​តាំង​ពី​ឆ្នាំ​២០១៣ មក​យើង​មិន​ដែល​លេង​​ឈ្នះ​បិសាច​ក្រហម​ឡើយ​នៅ​ក្នុង​ទឹក​ដី​របស់​​ពួក​គេ​ ប៉ុន្តែ​ឆ្នាំ​នេះ​ខ្ញុំ​គិត​ថា​យើង​គួរ​តែ​ដល់​ពេល​ហើយ​»។ ​សូម​បញ្ជាក់​ថា ជំនួប​នៅ​ទឹក​ដី Old Trafford ដែល​ Chelsea យក​ឈ្នះ​ចុង​ក្រោយ​គឺ​នៅ​ឆ្នាំ​២០១៣ កាល​នោះ​អ្នក​ដែល​ទាត់​ចូល​គឺ Juan Mata នៅ​នា​ទី​៨៧ ក្នុង​ក្រប​ខណ្ឌ​ English Premier League ហើយ​តាំង​ពី​នោះ​មក​ដល់​បច្ចុប្បន្ន​គិត​ត្រឹម​ថ្ងៃ​ទី​២​ខែ​វិច្ឆិកា ឆ្នាំ​២០២៤ ​ក្នុង​ដី​របស់​បិសាច​ក្រហម​ Chelsea លេង​មិនដែល​ឈ្នះ​ទេ​ខ្លាំង​ណាស់ ​បាន​ត្រឹម​ស្មើ​ប៉ុណ្ណោះ​៕ ​​​