Rodri លើកឡើងពីចំណុចពិសេសរបស់ Ronaldo និង Messi ដែលគ្រប់គ្នាអាចមើលរំលង

2024-11-21 01:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Rodri ជាខ្សែបម្រើដ៏មានសក្ដានុពលបំផុតនាពេលបច្ចុប្បន្ន និងជាម្ចាស់ពាន Ballon D'Or ឆ្នាំ២០២៤ ថែមទាំងជាខ្សែបម្រើឆ្នើមនៅក្នុងក្រុម Manchester City ។ ក្នុងកំឡុងពេលនេះខ្សែបម្រើដែលត្រូវបានគេចាត់ទុកថាល្អបំផុតក្នុងលោកម្នាក់នេះបានរងរបួសដាច់ជង្គង់ ACL ហើយកំពុងតែសម្រាកព្យាបាល នឹងត្រូវបានរំពឹងថា រហូតដល់ដាច់រដូវកាលនេះឈានចូលរដូវកាលថ្មីទើបអាចចូលហាត់វិញបាន។

យ៉ាងណាដ្បិតតែមិនទាន់អាចមានវត្តមានក្នុងទីលានវិញបាន គេក៏នៅតែជាមនុស្សសំខាន់ម្នាក់ដែលត្រូវបានគេចោទសួរជាប្រចាំ។ ជាក់ស្ដែងថ្មីៗនេះត្រូវបានសារព័ត៌មានសួរពីចំណុចពិសេសរបស់ Ronaldo និង Messi ល្អបែបណាបើតាមទស្សនៈហើយការមើលឃើញនេះគឺនិយាយក្នុងកំឡុងពេលដែលអ្នកទាំងពីរកំពុងពេញល្អដូចគ្នា។

ជុំវិញការចោទជាសំនួរនេះ Rodri បានធ្វើការឆ្លើយថា «សម្រាប់ខ្ញុំ Ronaldo ជាឃាតករនៅក្នុងប្រអប់ យើងមិនចង់ឲ្យគេមានបាល់ក្នុងពេលដែលគេកំពុងតែស្ថិតក្នុងប្រអប់គ្រោះថ្នាក់នោះទេ ព្រោះថាគេជាអ្នកសម្លាប់ដ៏អស្ចារ្យម្នាក់។ ចំណែក Messi វិញគេជាមុខសញ្ញាគ្រោះថ្នាក់បំផុតនៅពេលដែលគេមានបាល់ និយាយរួមមិនថានៅកន្លែងណាទេឲ្យតែគេមានបាល់គឺគ្រោះថ្នាក់សម្រាប់ដៃគូគ្រប់ពេល»៕