ព្រឹត្តិការណ៍រត់ប្រណាំងអន្តរជាតិ ឥណ្ឌូចិន លើកទី១ នឹងធ្វើឡើងនៅខេត្តសៀមរាប

2024-12-12 05:28:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍រត់ប្រណាំងអន្តរជាតិ ឥណ្ឌូចិន លើកទី១ នឹងធ្វើឡើងនៅថ្ងៃទី២២ ខែធ្នូ ឆ្នាំ២០២៤ លើទឹកដីអង្គរ និងស្វាគមន៍ចំពោះអ្នកចង់ចូលរួមអាចចុះឈ្មោះបាន។

រូបភាពផេក Olympic Cambodia

លោក សែម ផល្លា តំណាងអ្នករៀបចំព្រឹត្តិការណ៍រត់ប្រណាំងអន្តរជាតិ ឥណ្ឌូចិន បានឲ្យដឹងថា នេះជាព្រឹត្តិការណ៍រត់ថ្មីមួយទៀតហើយសម្រាប់កម្ពុជា និងជាការសហការគ្នារវាងកម្ពុជា វៀតណាម ឡាវ។ ដូច្នេះនឹងមានអ្នកជំនាញៗមកពីបណ្ដាប្រទេសដែលជាដៃគូសហការខាងលើនេះមកចូលរួមរត់ផងដែរ។

លោក សែម ផល្លា

អ្នកជំនាញក្នុងការរៀបចំព្រឹត្តិការណ៍រត់ប្រណាំងខាងលើនេះ សូមអំពាវនាវដល់មហាជនដែលមានចំណាប់អារម្មណ៍អាចចុះឈ្មោះបានដើម្បីរត់លេងកម្សាន្តផង និងជាការលើកស្ទួយកីឡារត់ប្រណាំងនៅកម្ពុជាផងដែរ។ មហាជនអាចចុះឈ្មោះប្រកួតទៅតាមវិញ្ញាសាដែលខ្លួនអាចរត់បានដូចជា 42km 21km 10km 5km បាន។

រូបភាពផេក Olympic Cambodia

បញ្ជាក់ដែរថា ព្រឹត្តិការណ៍រត់ប្រណាំងអន្តរជាតិ ឥណ្ឌូចិន អង្គរវត្ត នេះជាលើកទី១ ហើយនៅកម្ពុជា ដែលរៀបចំឡើងរួមគ្នារវាងកម្ពុជា វៀតណាម ឡាវ។ គិតមកដល់ពេលនេះមានអ្នកចុះឈ្មោះចូលរួមបានជាង ១ ០០០ នាក់ហើយ។ អ្នកមានបំណងចង់ចុះឈ្មោះអាចទំនាក់ទំនងទៅកាន់ហ្វេសបុកផេក Cambodia Events Organizer ឬ លេខទូរស័ព្ទ 015213525៕