សហព័ន្ធប្រដាល់សកលកម្ពុជា៖ កាប្រកួតជើងឯកថ្នាក់ជាតិ ២០២៤ ទទួលបានជោគជ័យជាខ្លាំងពិសេសមានក្លឹបចូលរួមកាន់តែច្រើន

2024-12-27 04:30:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្នាក់ដឹកនាំសហព័ន្ធប្រដាល់សកលកម្ពុជា ថាការប្រកួតជើងឯកថ្នាក់ជាតិ ឆ្នាំ២០២៤ ដែលបិទបញ្ចប់កាលពីម្សិលមិញនេះទទួលបានជោគជ័យជាខ្លាំង ពិសេសការកើនឡើងកីឡាករ កីឡាការិនី និងក្លឹបផងដែរ។

ឯកឧត្ដម ប៊ុយ សុភ័ណ្ឌ

ឯកឧត្ដម ប៊ុយ សុភ័ណ្ឌ អគ្គលេខាធិការសហព័ន្ធខាងលើបានឲ្យដឹងថា ឆ្នាំនេះអាចថាជាការជោគជ័យខ្លាំងដោយមានក្លឹបចូលរួមច្រើនរហូតដល់ ៣០ សមាគម ក្លឹប គឺមានការកើនឡើងរហូត ៥០% បើធៀបនិងឆ្នាំ២០២៣។

ទិដ្ឋភាពបិទការប្រកួត

ឯកឧត្ដមបន្ថែមទៀតថា ជាយុទ្ធសាស្ត្រថ្មីសម្រាប់ការប្រកួតឆ្នាំនេះគឺបានដាក់បញ្ជូលយុវជនថ្នាលឲ្យបានប្រកួតប្រជែងសន្សំបទពិសោធ និងបង្ហាញសមត្ថភាពដល់គ្រូបង្វឹក ថ្នាក់ដឹកនាំផងដែរ។ នេះជាឱកាសមួយសម្រាប់ស្វែងរកធនធានថ្មីៗដល់សហព័ន្ធប្រដាល់សកល។ ជាមួយគ្នានេះសហព័ន្ធក៏មានជាការលើកទឹកចិត្តដល់បណ្ដាសមាគម ក្លឹប ដែលចូលរួមដោយឧបត្ថម្ភជាថវិកា សម្ភារ សម្រាប់ហ្វឹកហាត់ផងដែរ។

ទិដ្ឋភាពបិទការប្រកួត

បញ្ជាក់ដែរថា សហព័ន្ធប្រដាល់សកលកម្ពុជា បានបញ្ចប់ការប្រកួតជ្រើសរើសជើងឯកថ្នាក់ជាតិ ឆ្នាំ២០២៤ របស់ខ្លួនហើយកាលពីល្ងាចថ្ងៃទី២៦ ខែធ្នូ ឆ្នាំ២០២៤ ក្រោយចំណាយពេល ៣ថ្ងៃនៅសកលវិទ្យាល័យភូមិន្ទភ្នំពេញ។ ចំណាត់ថ្នាក់លេខ១ ក្រសួងមហាផ្ទៃ ឈ្នះមេដាយមាស៥ លេខ២ ក្រសួងការពារជាតិ ឈ្នះមេដាយ៣ ប្រាក់៤ លេខ៣ ក្លឹបបញ្ជាការដ្ឋានកាំភ្លើងធំ ឈ្នះមេដាយមាស២ ប្រាក់១ សំរឹទ្ធ៤៕