អគ្គលេខាធិការសហព័ន្ធកីឡាកាយសម្ព័ន្ធ៖ ការប្រកួតជើងឯកថ្នាក់ជាតិឆ្នាំ២០២៤ កីឡាករ កីឡាការិនីបង្ហាញពីភាពរីកចម្រើនបច្ចេកទេសជាខ្លាំង

2024-12-29 12:07:41
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាកាយសម្ព័ន្ធកម្ពុជា បានបិទបញ្ចប់ការប្រកួតជើងឯកថ្នាក់ជាតិ ឆ្នាំ២០២៤ ដោយរលូន និងជោគជ័យ ខណៈកីឡាករ កីឡាការិនី បង្ហាញពីភាពរីកចម្រើនជាខ្លាំងលើបច្ចេកទេស។

រូបភាពផេក Olympic Cambodia

ឯកឧត្ដម ណយ ផានណា អគ្គលេខាធិការសហព័ន្ធខាងលើបានឲ្យដឹងថា ផ្អែកតាមការប្រកួតជ្រើសរើសជើងឯកថ្នាក់ជាតិរយៈពេល០៦ថ្ងៃកន្លងមកយើងសង្កេតឃើញថា កីឡាករ កីឡាការិនី មានការខិតខំ ប្រកួតប្រជែងគ្នាប្រកបដោយក្រមសីលធម៌ គោលការណ៍ Fair Play បានបញ្ចប់ទៅដោយរលូន និង ជោគជ័យ ។

រូបភាពផេក Olympic Cambodia

អគ្គលេខាធិការបន្ថែមទៀតថា ក្នុងនាមមន្ត្រីទទួលបន្ទុកក្រោមឱវាទរបស់ឯកឧត្តមបណ្ឌិត ថោង ខុន ប្រធានសហព័ន្ធសូមគោរពថ្លែងអំណរអរគុណយ៉ាងជ្រាសជ្រៅបំផុតចំពោះការលះបង់ពេលវេលា និង ថវិកាផ្ទាល់ខ្លួន ជាមួយនិងការដឹកនាំប្រកបដោយមេត្តាករុណាធម៌ ក៏ដូចជាការដាក់ចេញនូវអនុសាសន៍ល្អៗទើបធ្វើឱ្យសហព័ន្ធកីឡាកាយសម្ព័ន្ធកម្ពុជាទទួលបាននូវលទ្ធផលល្អតាមការគ្រោងទុក។

រូបភាពផេក Olympic Cambodia

បញ្ជាក់ដែរថាសហព័ន្ធកីឡាកាយសម្ព័ន្ធកម្ពុជា បានរៀបចំការប្រកួតជ្រើសរើសជើងឯកថ្នាក់ជាតិ និងពានរង្វាន់ ឯកឧត្តមបណ្ឌិត ថោង ខុន លើកទី៨ ឆ្នាំ២០២៤ កាលពីថ្ងៃទី២៥ ដល់ ២៧ ខែធ្នូ នៅសាលហ្វឹកហាត់ក្នុងពហុកីឡដ្ឋានជាតិ។ ក្នុងពិធីបិទការប្រកួតនេះដែរមានការអញ្ជើញចូលរួមពីឯកឧត្ដម ថោង ខុន ប្រធានសហព័ន្ធ និងថ្នាក់ដឹកនាំជាច្រើនរូបទៀត៕