ក្លឹបហែលទឹកក្រសួងសាធារណការ ជាប់ចំណាត់ថ្នាក់លេខ១ នៃព្រឹត្តិការណ៍ជ្រើសរើសជើងឯកថ្នាក់ជាតិ ឆ្នាំ២០២៤

2024-12-29 16:22:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតហែលទឹកជ្រើសរើសជើងឯកថ្នាក់ជាតិ ឆ្នាំ២០២៤ របស់សហព័ន្ធខ្មែរកីឡាហែលទឹកបានបិទបញ្ចប់ការប្រកួតរបស់ខ្លួនហើយកាលពីល្ងាចម្សិលមិញនេះ ខណៈចំណាត់ថ្នាក់លេខ១ បានលើក្លឹបសាធារណការ និងដឹកជញ្ជូន ក្រោយឈ្នះមេដាយមាស៦ ប្រាក់៥ សំរឹទ្ធ៣។

រូបភាពផេកសហព័ន្ធ

លោក ហែល គីរី អគ្គលេខាធិការសហព័ន្ធខ្មែរកីឡាហែលទឹកបានឲ្យដឹងថា ដោយទទួលបានថវិកាគាំទ្រពីក្រសួងអប់រំ យុវជន និងកីឡា តាមរយៈកិច្ចព្រមព្រៀងស្ដីពីការអនុវត្តន៍ថវិកាគាំទ្រសម្រាប់ពន្លឿនការអភិវឌ្ឍន៍សហព័ន្ធកីឡាជាតិ ឆ្នាំ២០២៤ សហព័ន្ធបានរៀបចំការប្រកួតហែលទឹក និងហែលទឹកពាក់ជើងទា ជ្រើសរើសជើងឯកថ្នាក់ជាតិចាប់ពីថ្ងៃទី២៦ ដល់ ២៨ ខែធ្នូ នៅពហុកីឡដ្ឋានជាតិ។

រូបភាពផេកសហព័ន្ធ

ការចូលរួមប្រកួតមាន ១១ សមាគមន៍ ក្លឹប និងមានការកើនឡើងជាងឆ្នាំ២០២៣ ជាមួយគ្នានោះដែរកីឡាករ កីឡាការិនីទាំងអស់មាន ៩៨នាក់។ គ្រូបង្វឹក គ្រូជំនួយ ១៦នាក់ និងមន្ត្រីគណៈកម្មការបច្ចេកទេស ៥០នាក់ចូលរួមកាត់សេចក្ដីក្នុងការប្រកួត។

រូបភាពផេកសហព័ន្ធ

បញ្ជាក់ដែរថា ចំពោះថ្នាក់នៃការប្រកួតជ្រើសរើសជើងឯកថ្នាក់ជាតិឆ្នាំ២០២៤ របស់សហព័ន្ធខ្មែរកីឡាហែលទឹកនេះរួមមាន លេខ១ បានលើក្លឹបសាធារណការ និងដឹកជញ្ជូន ក្រោយឈ្នះមេដាយមាស៦ ប្រាក់៥ សំរឹទ្ធ៣ លេខ២ ក្លឹបហែលទឹកក្រសួងសេដ្ឋកិច្ច ឈ្នះមេដាយមាស៦ ប្រាក់៤ សំរឹទ្ធ១១ លេខ៣ សមាគមន៍ហែលទឹកក្រសួងមហាផ្ទៃ ឈ្នះមេដាយមាស៦ ប្រាក់៤ សំរឹទ្ធ៤៕