ក្រោយ​ចប់​ការ​ប្រកួត​ដែល​ជួយ Barcelona ឈ្នះ​​៥​ទល់​​១ ទៅ​លើ​ក្រុម Real Betis ខ្សែ​បម្រើ​ Gavi ត្រូវ​បាន​អ្នក​​សារព័ត៌មាន​​សួរ​សំនួរ​ដែល​ចង់​ឲ្យ​រូប​គេ​​ប្រៀបធៀប​រវាង Lamine Yanal ។ ​បន្ទាប់​ពី​បាន​ឮ​សំនួរ​នោះ​ Gavi បាន​ឆ្លើយ​ថា ជា​រឿង​ដែល​មិន​សម​ហេតុ​ផល​ដែល​យក​ពួក​គេ​មក​ប្រៀបធៀប​គ្នា​។

​​ក្នុង​ការ​ប្រៀបធៀប​នេះ​ Gavi បាន​បន្ថែម​ថា វា​ជា​រឿង​​មិន​សម​ហេតុផល​​ទាល់​តែ​សោះ​ក្នុង​ការ​យក​ Yamal មក​ប្រៀបធៀប​ជា​មួយ Messi ។ គឺ​ជា​រឿង​ពិត​​មិន​អាច​ប្រកែក​បាន​គឺ​គ្មាន​អ្នក​​ណា​អាច​ប្រៀបធៀប​​ជាមួយ Messi ​បាន​ទេ​។

បើ​សិន​ជា​ប្រៀប​ធៀប​ជាមួយ Xavi, Iniesta ឬ​ក៍ Busquet ​ប្រហែល​ជា​ទំនង​ជាង​។ ​នេះ​ជា​ការ​បន្ថែម​របស់ Gavi ។ យ៉ាង​ណា​បើ​គិត​មក​ដល់​ពេល​នេះ Yamal ​បង្កើត​រឿង​អស្ចារ្យ​ជា​ច្រើន​តាម​រយៈ​ការ​បញ្ជូន​បាល់​ឲ្យ​មិត្ត​រួ​ម​ក្រុម​​រក​គ្រាប់​បាល់​។ ជាក់​ស្ដែង​កាល​ពី​យប់មិញ​នេះ​គេ​បង្កើត​ឱកាស​បោះ​ឲ្យ J. Kounde ស្អាត​មែនទែន​នៅ​គ្រាប់​ទី​២​ ហើយ​ក៏​រក​បាន​១​គ្រាប់​ផង​ដែរ​នៅ​នា​ទី​ទី​៧៥​នោះ​៕​​