ប្រធានសហព័ន្ធកីឡាស្គែតកម្ពុជា បង្ហាញមោទកភាព និងភាពរីកចម្រើនរបស់ក្រុមក្រោយចូលរួមការប្រកួតកម្រិតអន្តរជាតិថ្មីៗនេះ
- 2025-01-21 05:03:15
- ចំនួនមតិ 0 | ចំនួនចែករំលែក 0
ប្រធានសហព័ន្ធកីឡាស្គែតកម្ពុជា បង្ហាញមោទកភាព និងភាពរីកចម្រើនរបស់ក្រុមក្រោយចូលរួមការប្រកួតកម្រិតអន្តរជាតិថ្មីៗនេះ
ចន្លោះមិនឃើញ
ប្រធានសហព័ន្ធកីឡាស្គែតកម្ពុជា បង្ហាញភាពរីករាយ និងមោទកភាពជាខ្លាំងចំពោះក្រុមកម្ពុជាដែលទទួលបានលេខ៣ ពីការប្រកួតពានរង្វាន់ «កម្ពុជាហុកគីស្បែកជើងកង់១ជួរ» លើកទី៣ ដែលមានបណ្ដាប្រទេសអន្តរជាតិចូលរួមថ្មីៗនេះ។
លោក កុសល ពិសី ប្រធានសហព័ន្ធកីឡាខាងលើនេះបានឲ្យដឹងថា សម្រាប់ការប្រកួតពានរង្វាន់ «កម្ពុជាហុកគីស្បែកជើងកង់១ជួរ» ដែលទើបបញ្ចប់ទៅនេះគឺក្រុមកម្ពុជា Shadow Apsara (សាដូរ អប្សរា) ទទួលបានលេខ៣។
ចំពោះលទ្ធផលនេះគឺល្អហើយសម្រាប់ពួកគេ ព្រោះការចូលរួមកន្លងមកមិនសូវធ្វើបានល្អ ឬទទួលបានចំណាត់ថ្នាក់ដូចនេះឡើយ។ ក្រុមកម្ពុជាឈ្នះបរទេសជាច្រើនក្រុមរហូតជាប់ចំណាត់ថ្នាក់ល្អបែបនេះ។
លោកមើលឃើញថាក្រុម Shadow Apsara (សាដូរ អប្សរា) មានភាពរីកចម្រើនជាខ្លាំងលើកនេះបច្ចេកទេស ភាពរហ័សរហួនបត់បែន ប្រកបដោយទំនុកចិត្ត និងប្រកួតយ៉ាងស្វាហាប់តែម្ដង។ ប្រធានសហព័ន្ធខាងលើលើកទឹកចិត្តដល់ក្រុមយុវជនទាំងអស់បន្តខំប្រឹងប្រែងហ្វឹកហាត់ថែមទៀត ព្រោះនឹងមានការប្រកួតកម្រិតអន្តរជាតិជាច្រើនទៀតនៅពេលខាងមុខ។
បញ្ជក់ដែរថា ការប្រកួតពានរង្វាន់ «កម្ពុជាហុកគីស្បែកជើងកង់១ជួរ» លើកទី៣ នេះបានធ្វើឡើងកាលពីថ្ងៃទី១៦ ដល់១៩ ខែមករា ឆ្នាំ ២០២៥ នៅទីលានហុកគី CIS កោះពេជ្រ។ ក្រុមទាំងអស់មានចំនួន១២ មកពី ៥ប្រទេស រួមមាន កម្ពុជា ចិន-ហុងកុង ឥណ្ឌូណេស៊ី សិង្ហបុរី និងឥណ្ឌា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
