Instagram បានធ្វើការប្រកាសចេញនូវកម្មវិធីទូរស័ព្ទថ្មីមួយ មានឈ្មោះថា Edits ដែលជា App សម្រាប់ កាត់ត វីដេអូ។ មុខងាររបស់កម្មវិធីមួយនេះ មានមុខងារស្រដៀង ទៅនឹង កម្មវិធី CapCut។

កម្មវិធី Edits នឹងត្រូវបានក្រុមហ៊ុន Meta ដែលជាក្រុមហ៊ុនមេ របស់ Instagram បញ្ចេញដាក់ឱ្យប្រើប្រាស់នៅអំឡុងខែ កុម្ភៈ ឆ្នាំ ២០២៥ ខាងមុខនេះ។ ចំពោះមុខងាររបស់វា គឺមានលក្ខណៈស្រដៀងគ្នា ទៅនឹង កម្មវិធី CapCut ដែលជាកម្មវិធីកាត់ត វីដេអូ តាមទូរស័ព្ទដៃដូចគ្នា។ ចំពោះមុខងារសំខាន់នៅក្នុងកម្មវិធីនេះ មានដូចជា ៖ insert custom text, captions, AI-generated content, multiple audio tracks, stickers, special effects, green screens, និង មុខងារជាច្រើនទៀត។

បន្ថែមលើនេះ user នឹងអាចធ្វើការថតវីដេអូ តាមរយៈកម្មវិធី Edits នេះដោយផ្ទាល់ ហើយវាមានផ្តល់ជម្រើស សម្រាប់កំណត់ទៅលើ resolutions និង frame rates ជាដើម។ Edits ជាកម្មវីធី free ដោយអ្នកទាំងអស់គ្នា អាចចូលទៅទាញយកបាននៅលើ Play Store និង App Store នៅពេលដែល Meta បញ្ចេញវាជាផ្លូវការ នៅអំឡុងខែ កុម្ភៈ ឆ្នាំ ២០២៥ ខាងមុខនេះ៕

ប្រភព៖ The Verge   ប្រែសម្រួល ៖ គីម ណារ៉ាក់