ក្រុម​ភ្ញៀវ​​ Barcelona បាន​ធ្វើ​ការ​ស៊ុត​​វាយ​បក​យក​ឈ្នះ​ទៅ​លើ​ក្រុម​​ម្ចាស់​ផ្ទះ Benfica ៥-៤​ ក្នុង​ការ​ប្រកួត​​ UEFA Champions League វគ្គ​សន្សំ​ពិន្ទុ​សប្ដាហ៍​ទី​៧​។

ពិត​ជា​មាន​ការ​ស៊ុត​គ្នា​សាហា​វ​​មែន​ទែន​​ក្នុង​ជំនួប​រវាង Benfica ម្ចាស់​ផ្ទះ និង​ក្រុម​ភ្ញៀវ​​អ្នក​មាន​បុណ្យ​ Barcelona ​ដែល​មាន​ការ​សម្រុក​គ្នា​រហូត​​មាន​គ្រាប់​កើត​ឡើង​ចំនួន​៩​គ្រាប់​ ហើយ​ក្រុម​ផ្ញៀវ Barcelona បាន​វាយ​បក​យក​ឈ្នះ​​៥-៤​វិញ​នៅ​ចុង​ម៉ោង បន្ទាប់​ពី​ម្ចាស់​ផ្ទះ​ធ្វើ​ការ​នាំ​មុខ​៣-១​នៅ​វគ្គ​​១​។

ដំបូង​ឡើយ​ម្ចាស់​ផ្ទះ​​មាន​ឱកាស​ច្រើន​ណាស់​​ ស៊ុត​​សម្រេច​៣​គ្រាប់​ម្នាក់​ឯង​ដោយ​​ខ្សែ​ប្រយុទ្ធ​ V. Pavlidis ​ខណៈ​ Barcelona ​ស៊ុត​បាន​១​គ្រាប់​ដោយ Robert Lewandowski នៅ​នាទីទី​១៣​។ ចប់​វគ្គ​ទី​១ ម្ចាស់​ផ្ទះ​នាំ​មុខ​៣-១​។ ចូល​ដល់​វគ្គ​ទី​២​​កាន់តែ​សម្រុក​គ្នា​ខ្លាំង​ឡើង​ៗ​រហូត​រក​បាន​គ្រាប់​បាល់​តាម​៣-២​ នាទី​ទី​៦៤​ ដែល​រក​បាន​ដោយ​​ Raphinha ។ ក្រោយ​មក​ R Araujo បាន​ធ្វើ​​ឲ្យ​ចូល​​ទី​ខ្លួន​ឯង​​ជា​ហេតុ​នាំ​ឲ្យ​ម្ចាស់​ផ្ទះ​នាំ​មុខ​៤-២​ ចូល​ដល់​នាទី​ទី​៧៨ Robert Lewandowski ដាក់​បាន​១​គ្រាប់​វិញ​តាម​បាន​៤-៣ ហើយ​ចូល​ដល់​នាទីទី​៨៦ Eric Garcia ដែល​បាន​ប្ដូរ​ចូ​ល​នាទីទី​​៧៤​នោះ​រក​បាន​គ្រាប់​បាល់​តាម​ស្មើ​៤-៤​។ នៅ​មិន​ទាន់​អស់​នោះ​ទេ​នៅ​ចុង​ម៉ោង​ទៅ​ហើយ ពោល​គឺ​នាទីទី​៩០+៦ ស្រាប់​តែ​ខ្សែ​ប្រយុទ្ធ Raphinha មាន​​ឱកាស​ដាច់​មាត់​អូ​សបាល់​​យកទៅ​ស៊ុត​បញ្ចប់​ទី​បាន​​យ៉ាង​ស្អាត​ជួយ Barcelona យក​ឈ្នះ​​បាន​៥-៥​៕​​​