នោះ! Barcelona ដាក់លក្ខខណ្ឌឲ្យ Neymar ធ្វើបើពិតជាចង់ត្រឡប់ទៅទឹកដី អេស្ប៉ាញវិញមែន

2025-03-05 01:33:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Barcelona បានដាក់លក្ខខណ្ឌថា ប្រសិនបើ Neymar ពិតជាចង់ត្រឡប់ទៅកាន់ទឹកដីអេស្ប៉ាញវិញមែននោះគេត្រូវតែរកគ្រាប់បាល់ឲ្យបាន១៥គ្រាប់គិតត្រឹមរដូវកាលនេះ។

កាលពីពេលថ្មីៗនេះ Neymar បានបង្ហាញពីចេតនាក្នុងការចង់វិល ត្រឡប់ទៅកាន់ ក្លិបចាស់របស់ខ្លួន Barcelona វិញ ប៉ុន្តែក្នុងចេតនានោះត្រូវបានគេដឹងថា ព្រោះតែខ្សែបម្រើប្រយុទ្ធរូបនេះចង់បានឱកាស ដើម្បីប្រកួតប្រជែងយកតំណែងក្នុងបានជាប់ជម្រើសជាតិប្រេស៊ីល ក្នុងការចូលរួមការប្រកួតប្រជែងពានរង្វាន់ World Cup 2026 នៅទឹកដី USA ។ ជាការពិតកីឡាករណាក៏ដោយបើមិនបានជាប់ក្នុងការលេងក្រុមធំ ឬការលេងឲ្យបានល្អ ឬក៏ជួយក្រុមឲ្យទទួលបានជោគជ័យច្បាស់ណាស់នឹងស្ថិតក្នុងចំណុចដ៏សែនពិបាកក្នុងការប្រជែងកៅអីជម្រើសជាតិ។

ក្នុងលក្ខខណ្ឌរបស់ Barcelona ទំនងជាមិនពិបាកឡើយសម្រាប់ Neymar ព្រោះចាប់ផ្ដើមនៅរដូវកាលនេះជាមួយ Santos បាន៧ប្រកួតគេរកបាន៣គ្រាប់បាត់ទៅហើយ ដូច្នេះ១៥គ្រាប់ច្បាស់ទំនងជាអាចទៅរួច។ យ៉ាងណាក្នុងការបញ្ជាក់របស់ Neymar កាលពីពេលកន្លងគេបាននិយាយថា បើសិនបានទៅលេងនៅ Barcelona វិញមែនគេសុខចិត្តយកប្រាក់ខែតិច ក្នុងកម្រិតណាមួយដែលក្លិបអាចហ៊ានចំណាយ ឬអាចទៅរួចប៉ុណ្ណោះ៕