Messi, Neymar និង Martinez អវត្តមាន​ក្នុង​ក្រុម​ជម្រើស​ជាតិ​របស់​​ពួក​គេ​រៀង​ខ្លួន​ សម្រាប់​ការ​​ចូលរួម​ជាមួយ​ជម្រើស​ជាតិ​ក្នុង​ខែ​មីនា នេះ​។

យោង​តាម​ការ​ចេញ​ផ្សាយ​របស់​ Fabrizio Romano ​បាន​ឲ្យ​​ដឹង​ថា ខ្សែ​​ប្រយុទ្ធ Lautaro Martinez និង Leo Messi នឹង​គ្មាន​ឈ្មោះ​ក្នុង​ក្រុម​ជម្រើសជាតិ​អាហ្សង់ទីន​របស់​ខ្លួន​ទេ​។ ស្រប​ពេលដែល Neymar ក៏​មិន​ឃើញ​មាន​ឈ្មោះ​ក្នុង​ក្រុម​ជម្រើស​ជាតិ​ប្រេស៊ីល​ផង​ដែរ​សម្រាប់​ការ​ប្រមូល​ផ្ដុំ​នៅ​​ក្នុង​ការ​​ប្រកួត​វគ្គ​សន្សំ​ពិន្ទុ​​ជម្រុះ World Cup នៅ​ខែ​​មីនា នេះ​។

គេ​ដឹង​ថា Neymar កំពុង​តែ​មាន​បំណង​ចង់​ចូលរួម​ជាមួយ​ជម្រើស​ជាតិ​វិញ​ បន្ទាប់ពី​ផ្ទេរ​មក​កាន់ Santos ហើយ​ការ​ត្រឡប់​ចូល​ជម្រើសជាតិ​នេះ​គេ​ប៉ង​ចង់​លេង​ក្នុង​ព្រឹត្តិការណ៍ World Cup 2026 នៅ USA ឆ្នាំ​ក្រោយ​។ តែ​មក​ទល់​ពេលនេះ​គេ​​នៅ​មិន​ទាន់​មាន​ឈ្មោះ​ជាប់​ជម្រើស​ជាតិ​វិញ​​ ដើម្បី​ចូលលេង​វគ្គ​ជម្រុះ​បាន​ទេ ហើយ​កត្តា​ដែល​មិន​​បាន​ជាប់​នេះ​ត្រូវ​បាន​គេ​ដឹង​ថា Neymar បាន​រង​របួស​សាច់​ដុំ​ជា​ថ្មី​បន្ទាប់​ពី​ជា​សះស្បើយ​ពី​របួស ACL របស់​គេ​ និង​បាន​ចូល​លេង​វិញ​ទៅ​ហើយ​នោះ​។

Messi ក៏​ទើប​តែ​ត្រឡប់​បាន​ជួយ Inter Miami វិញ​ដែរ តែ​លើក​នេះ​គេ​ក៏​មិន​បាន​ជាប់​ឈ្មោះ​ក្នុង​ក្រុម​ជម្រើស​ជាតិ​ដូចគ្នា​ កត្តា​មិន​បាន​ជាប់​ជម្រើស​ជាតិ​នេះ​មក​ពី​គេ​មាន​បញ្ហា​របួស​ផងដែរ​។ ស្រប​ពេលដែល Martinez ​គេ​រង​របួស​សាច់​ដុំ​មិនអាច​​ចូលរួម​ហ្វឹកហាត់​បាន​ ៕