លោក Koji ថា សម្រាប់ការប្រកួតទល់ អារូបា នឹងធ្វើឲ្យបានល្អបំផុត

ច័ន្ទ, 24 មីនា 2025 13:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Koji គ្រូបង្វឹករបស់ក្រុមជម្រើសជាតិកម្ពុជា បាននិយាយថា ជំនួបទល់ក្រុម អារូបា ដែលនឹងចាប់ផ្ដើមនៅថ្ងៃស្ងែកវេលាម៉ោង ៧ យប់ គឺជាការប្រកួតដ៏ល្អបំផុត ហើយលោកនឹងព្យាយាមធ្វើឲ្យបានល្អបំផុតសម្រាប់អ្នកគាំទ្រ ដែលការប្រកួតនឹងធ្វើឡើងនៅពហុកីឡដ្ឋានជាតិ សម្រាប់ការប្រកួតមិត្តភាពអន្តរជាតិ។

គ្រូបង្វឹករបស់កម្ពុជាបាននិយាយយ៉ាងដូច្នេះថា «សម្រាប់ខ្ញុំគិតថា ការប្រកួតទល់ក្រុមជម្រើសជាតិ អារូបា គឺជាការប្រកួតមួយដ៏ល្អ យើងនឹងព្យាយាមធ្វើឲ្យបានល្អបំផុត សម្រាប់បង្ហាញអ្នកគាំទ្រ ហើយកីឡាកររបស់យើង នឹងខិតខំឲ្យអស់ពី លទ្ធភាព។ ... ឃើញថា កាយសម្បទារបស់គេអាចធំល្អ និងមានកម្លាំងខ្លាំងជាងកម្ពុជាយើង ហើយការត្រៀមខ្លួនរបស់ក្រុមហាត់មានពេលខ្លី បន្ទាប់ពីធ្វើដំណើរត្រឡប់មកពីវៀតណាមវិញ ប៉ុន្តែយើងគឺតែងតែដាក់គោលដៅ រំពឹងថា ទទួលបានជ័យជម្នះជានិច្ចគ្រប់ការប្រកួតទាំងអស់»។

សូមបញ្ជាក់ថា ក្រុមរបស់ប្រទេស អារូបា មិនសូវបានហ្វឹកហាត់ពេញលេញល្អទេ ពួកគេធ្វើការផងហ្វឹកហាត់ផង ដូច្នេះពួកគេមិនសូវរំពឹងធ្វើបានល្អក្នុងការប្រកួតមិត្តភាពជាមួយកម្ពុជាឡើយ៕