នៅថ្ងៃទី 12 ខែមិថុនាខាងមុខនេះ ក្រុមជម្រើសជាតិទាំងពីរនឹងត្រូវបើកឆាកប្រកួតគ្នាយ៉ាងកក្រើកក្នុងពូល A។ ជំនួបនេះពិតជាសំខាន់បំផុត ហើយដាច់ខាតមិនអាចចាញ់បានឡើយ ព្រោះថាពួកគេនៅមានភារកិច្ចត្រូវតទល់នឹងក្រុមខ្លាំងដូចជា ម៉ិកស៊ិក និងអាហ្វ្រិកខាងត្បូងក្នុងការប្រកួតបន្ទាប់ ដូច្នេះការចាប់ផ្តើមមិនបានល្អអាចនឹងធ្វើឱ្យឱកាសឡើងទៅវគ្គបន្តរបស់ពួកគេជួបហានិភ័យភ្លាមៗ។ នៅក្នុងអត្ថបទវិភាគរបស់ 1xBet នេះ យើងនឹងបកស្រាយពីស្ថានភាពរបស់ក្រុមទាំងពីរមុនពេលប៉ះគ្នា និងអ្វីដែលអ្នកគាំទ្រអាចរំពឹងទុកពីជំនួបដ៏ជក់ចិត្តនេះ!

កូរ៉េខាងត្បូង កំពុងសន្សំកម្លាំងនិងទម្រង់លេងយ៉ាងក្ដៅគគុកមុនព្រឹត្តិការណ៍ចាប់ផ្តើម

ក្រុមមួយនេះបានឆ្លងផុតវគ្គជម្រុះយ៉ាងរលូន ដោយពឹងផ្អែកទៅលើវិន័យនៃការលេង ល្បឿន និងការស៊ុតបញ្ចូលទីយ៉ាងមុតស្រួច។ កូនក្រុមរបស់លោក Hong Myung-bo បានបង្ហាញភាពខ្លាំងរបស់ខ្លួនក្នុងការប្រកួតមិត្តភាពថ្មីៗនេះ ដោយបានលត់ក្រុមទ្រីនីដាដនិងតូបាហ្គោ ក្នុងលទ្ធផល 5-0 រួចបន្តយកឈ្នះ អែលសាល់វ៉ាឌ័រ 1-0 បន្ថែមទៀត។ ការប្រកួតទាំងនេះបានបង្ហាញយ៉ាងច្បាស់ថា ក្រុមអ្នកចម្បាំង Taegeuk មានសមត្ថភាពអាចរក្សាចង្វាក់លេងលឿន និងបង្កើតឱកាសសម្រុកតាំងពីដើមរហូតដល់ចប់ការប្រកួត!!

ប៉ុន្តែត្រឹមតែការសម្រុកវាយលុកតែមួយមុខមិនទាន់គ្រប់គ្រាន់ឡើយដើម្បីទប់ទល់នឹងក្រុមជម្រើសជាតិឆេក ព្រោះពួកគេខ្លាំងក្នុងការលេងទល់មួយស្មើ ធ្វើបានល្អក្នុងការទាត់បាល់ពិន័យ ព្រមទាំងមានកីឡាករជាច្រើនដែលពោរពេញដោយបទពិសោធន៍ក្រាស់ក្រែលនៅតាមលីគកំពូលៗ។

Son Heung-min នៅតែជាតារាឆ្នើមប្រចាំតំបន់ប្រយុទ្ធដដែល ប៉ុន្តែកូរ៉េខាងត្បូងក៏នៅមានជម្រើសកីឡាករមុតស្រួចផ្សេងទៀតនៅតំបន់ខាងលើផងដែរ។ កីឡាករ Lee Kang-in និង Hwang Hee-chan គឺជាខ្សែប្រយុទ្ធដែលមានល្បឿនលឿន និងសម្បូរបច្ចេកទេស ដែលអាចជួយឱ្យក្រុមអ្នកចម្បាំង Taegeuk វាយបកបានយ៉ាងរហ័សទាន់ចិត្ត!

ឆេក ពឹងផ្អែកលើកាយសម្បទា និងការទាត់បាល់ពិន័យ

នេះជាការវិលត្រឡប់មកកាន់ព្រឹត្តិការណ៍បាល់ទាត់ដ៏ធំអស្ចារ្យវិញជាលើកដំបូងរបស់ក្រុមនេះ គិតចាប់តាំងពីឆ្នាំ 2006 មក។ ក្រោមការដឹកនាំរបស់លោក Ivan Hašek ក្រុមជម្រើសជាតិឆេកមួយនេះបានឈរនៅលេខពីរក្នុងវគ្គជម្រុះពូលរបស់ខ្លួន មុនពេលសម្រេចចិត្តផ្លាស់ប្តូរគ្រូបង្វឹក ដោយតែងតាំងលោក Miroslav Koubek ដែលជាអ្នកចាត់ការដ៏មានបទពិសោធន៍មកជំនួសវិញ។ នៅក្នុងការប្រកួតវគ្គជម្រុះ អ្នកចាត់ការវ័យ 74 ឆ្នាំរូបនេះបានដឹកនាំកូនក្រុមយកឈ្នះលើគូប្រជែងដ៏ស្វិតស្វាញចំនួនពីរគឺ សាធារណរដ្ឋអៀរឡង់ និងដាណឺម៉ាក។ ឆេកបានស្មើ 2-2 ជាមួយក្រុមទាំងសងខាង ប៉ុន្តែបានបង្ហាញទម្រង់លេងយ៉ាងម៉ឺងម៉ាត់ និងធ្វើបានល្អជាង ក្នុងការទាត់បាល់ប៉េណាល់ទីកាត់សេចក្តី។

មុនពេលព្រឹត្តិការណ៍នេះចាប់ផ្តើម ឆេកបានយកឈ្នះទាំងពីរប្រកួតក្នុងជំនួបកម្តៅសាច់ដុំ ទោះបីជាពួកគេរបូតគ្រាប់បាល់ឱ្យគូប្រកួតទាំងពីរលើកក៏ដោយ។ នៅក្នុងការប្រកួតទល់នឹង កូសូវ៉ូ (2-1) លោក Koubek បានសាកល្បងដាក់កីឡាករបម្រុង និងរៀបចំការចាប់ដៃគូលេងថ្មីៗមួយចំនួននៅលើទីលាន ចំណែកឯការប្រកួតទល់នឹង ហ្គាតេម៉ាឡា (3-1) វិញ លោកបានដាក់កីឡាករជម្រើសទីមួយដែលលោកទុកចិត្តបំផុត។ ការប្រកួតទាំងនេះសបញ្ជាក់ឱ្យឃើញថា តំបន់ការពាររបស់ឆេកនៅតែមានចន្លោះប្រហោងដដែល បើទោះបីជាលោក Koubek តែងតែប្រើប្រាស់ទម្រង់លេងបែបប្រយ័ត្នប្រយែងក៏ដោយ។

កីឡាករឆេកមានភាពជឿជាក់ក្នុងស្ថានភាពមួយទល់នឹងមួយ ព្រមទាំងមានប្រៀបខាងកាយសម្បទាផងដែរ។ ជាពិសេសគឺកីឡាករ Tomáš Souček របស់ក្លឹប West Ham ដែលតែងតែបង្កការគំរាមកំហែងយ៉ាងខ្លាំងនៅក្នុងតំបន់គ្រោះថ្នាក់របស់គូប្រកួតរាល់ពេលទាត់បាល់ពិន័យ។ នេះគឺជាចំណុចដែលនឹងក្លាយជាបញ្ហាធំសម្រាប់កូរ៉េខាងត្បូងនៅក្នុងការប្រកួតខាងមុខនេះ។

តើក្រុមណាមានប្រៀបជាង?

ជំនួបចុងក្រោយរវាងក្រុមទាំងពីរគឺតាំងពីឆ្នាំ 2016 មកម្ល៉េះ ដោយកាលនោះកូរ៉េខាងត្បូងបានយកឈ្នះ 2-1 ក្នុងការប្រកួតមិត្តភាពនៅទីក្រុងប្រាក។ ទោះជាយ៉ាងណាក៏ដោយ រយៈពេលជិត 10 ឆ្នាំមកនេះ ក្រុមទាំងពីរមានការផ្លាស់ប្តូរយ៉ាងច្រើន ហើយលទ្ធផលកាលនោះក៏មិនអាចយកមកធ្វើជាបន្ទាត់វាស់ស្ទង់បានទៀតដែរនាពេលឥឡូវនេះ។

ម៉ិកស៊ិកត្រូវបានគេចាត់ទុកជាក្រុមជើងខ្លាំងប្រចាំពូល ដូច្នេះការប៉ះគ្នារវាងឆេក និងកូរ៉េខាងត្បូង អាចជាការប្រកួតកាត់សេចក្តីដ៏សំខាន់ដើម្បីដណ្តើមយកលេខពីរ! ហាងឆេងដែលផ្តល់ដោយ 1xBet បង្ហាញថាឱកាសឈ្នះគឺប្រហាក់ប្រហែលគ្នា ដោយអត្រាឈ្នះសម្រាប់កូនក្រុមលោក Hong Myung-bo គឺ 2.73 ស្មើ 3.20 និងអត្រាឈ្នះសម្រាប់ឆេកគឺ 2.83។ នេះគឺជាការប្រកួតដែលមិនទាន់អាចរកឃើញអ្នកមានប្រៀបដាច់នោះទេ ដូច្នេះគ្រាប់បាល់បើកឆាកដំបូងនឹងក្លាយជាគ្រាប់បាល់ដ៏សំខាន់បំផុតដែលអាចប្តូរស្ថានការណ៍បាន!

កូរ៉េខាងត្បូងអាចមានប្រៀបជាងបន្តិចដោយសារការវាយបកយ៉ាងរហ័ស និងសមត្ថភាពកីឡាករស្នូលរបស់ពួកគេ គឺពិតជាកត្តាផ្លាស់ប្តូរស្ថានការណ៍ការប្រកួត។ ប៉ុន្តែ ក្រុមឆេកក៏ដឹងច្បាស់ពីរបៀបបិទតំបន់លេង ដាក់សម្ពាធតាមទម្រង់លេងរបស់ខ្លួន និងឆក់យកឱកាសរាល់ពេលគូប្រកួតធ្វើខុសផងដែរ។

កុំភ្លេចរង់ចាំទស្សនាការប្រកួតដំបូងរបស់កូរ៉េខាងត្បូង ក្នុងព្រឹត្តិការណ៍បាល់ទាត់ពិភពលោក!