ប្រមូលតែកាកសំណល់ប្រើហើយសោះ យកមកច្នៃលក់ថ្លៃរាប់ពាន់ដុល្លារ មិនគួរឲ្យជឿ!

2014-09-13 19:27:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនជាតិហ្វីលីពីនម្នាក់បានប្រមូល កម្រាលពូក កម្រាលខ្នើយ កន្សែងពោះគោ មីនុយមុខម្ហូប ឈើចាក់ធ្មេញ ចង្កឹះ និង របស់របរប្រើប្រាស់ផ្សេងទៀត នៅតាមសណ្ឋាគារក្នុងប្រទេសកម្ពុជា ដែលខ្លួនបានស្នាក់នៅ មកច្នៃធ្វើជាផ្ទាំងគំនូរ ហើយដាក់តាំងលក់ ក្នុងតម្លៃ រាប់ពាន់ ដុល្លារ មិនគួរឲ្យជឿ។

សូមចុចអាន៖ ធ្លាប់ប្រើស្រោមអនាម័យគ្រើមអត់? ល្បីថា ស្រោមប្រភេទនេះប្រឈមគ្រោះថ្នាក់ច្រើន

ជនជាតិហ្វីលីពីន មានគំនិតច្នៃប្រឌិតខ្ពស់មិននឹកស្មានដល់នោះមានឈ្មោះថា លោក Loven Ramos។ លោកមានជំនាញខាងឌីហ្សាញ និង ជាអ្នកគ្រប់គ្រងសណ្ឋាគារល្បីឈ្មោះមួយនៅសៀមរាប។ Loven Ramos បានឲ្យដឹងថា លោកបានមកប្រទេសកម្ពុជាជាង ១០ ឆ្នាំ មកហើយ ដោយក្នុងរយៈពេលនេះ លោកបាន ដើរស្នាក់នៅសណ្ឋាគារជាច្រើនក្នុងប្រទេសកម្ពុជា ជាពិសេសនោះ នៅរាជធានីភ្នំពេញ និង ខេត្តសៀមរាប។

ដោយមានឌីហ្សាញស្រាប់ និង ជាអ្នកធ្វើការផ្នែកសណ្ឋាគារផងនោះ បុរសជនជាតិហ្វីលីពីនម្នាក់នេះ មានគំនិតចង់ធ្វើ សិល្បៈមួយ ដែលជាស្នាដៃរបស់ខ្លួន។ លោកLoven Ramos បានបន្តឲ្យដឹងថា ក្នុងរយៈពេលដែលម្នាក់នៅប្រទេសកម្ពុជានោះ លោកបានចាប់ផ្ដើម ប្រមូល របស់របរប្រើប្រាស់ដែលខ្លួនប្រើប្រាស់រួច និង សុំពីសណ្ឋាគារខ្លះទុកជាច្រើន ។ របស់ទាំងនោះមាន ដូចជា កម្រាលពូក កម្រាលខ្នើយ កន្សែងពោះគោ មីនុយមុខម្ហូប ឈើចាក់ធ្មេញ ចង្កឹះ ជាដើម។

លោក Loven Ramos បានឲ្យដឹងបន្ថែមថា លោក និង ភរិយា បានប្រមូលពីសណ្ឋាគារចំនួន ១៧ យកមកច្នៃធ្វើជាផ្ទះគំនូរ ដោយប្រើពេលចំនួន ៣ សប្ដាហ៍ ហើយបានចំនួន ១៧ ផ្ទាំង។

ផ្ទាំងគំនូរទាំងនោះ លោកបានលក់ទៅតាមតម្លៃសណ្ឋាគារដោយតម្លៃមានពី ៤៨ ដុល្លារ រហូត ដល់ ២៥០០ ដុល្លារ។ ចំណូលដែលមានមក លោក Loven Ramos ប្រាប់ថា និង យកមួយចំណែកផ្ដល់ជូនដល់សិល្បករមួយចំនួននៅខេត្តសៀមរាម ដែលមានការខ្វះខាត។

ស្នាដៃ Loven Ramos បានដាក់លក់ នៅក្នុងសណ្ឋាគារ អ៊ិនធើខនធីណិនថល ភ្នំពេញ ចាប់ពីថ្ងៃនេះ រហូតដល់ថ្ងៃទី ១១ ខែ តុលា ឆ្នាំ ២០១៤៕