អីយ៉ា! កីឡាកាសខ្មែរល្អមើលមិនចាញ់ WWE (វីដេអូ)
- 2014-12-23 13:00:17
- ចំនួនមតិ 0 | ចំនួនចែករំលែក 0
អីយ៉ា! កីឡាកាសខ្មែរល្អមើលមិនចាញ់ WWE (វីដេអូ)
ចន្លោះមិនឃើញ
មានមនុស្សតិចណាស់ដែលដឹងថាប្រទេសកម្ពុជា ក៏ធ្លាប់មានឈុតកីឡាកាសមួយក្រុមដែរ ដោយសម្ដែងប្លែកភ្នែកមិនចាញ់ជើងខ្លាំងក្នុងស្ថាប័នកីឡាកាសអន្តរជាតិ WWE ប៉ុន្មាននោះទេ។ ក្រុមនេះធ្លាប់បានចេញសម្ដែងក្នុងស្រុកទ្រង់ទ្រាយធំចំនួន ៣ លើកមកហើយ។
លោក ធិន វិចិត្រ អគ្គលេខាធិការសហព័ន្ធកីឡាចំបាប់ និង ជាតំណាងក្រុមកីឡាកាសខ្មែរបានលើកឡើងថា ការសម្ដែងលើកដំបូងរបស់ក្រុមលោកធ្វើឡើងអំឡុងឆ្នាំ ២០០៩ នៅឆ្នេរសមុទ្រខេត្តព្រះសីហនុ ដែលកាលនោះមានគ្នាជាង ១០ នាក់ និង ជាការត្រៀមបង្ហាញខ្លួនចូលរួមក្នុងពិធីបុណ្យសមុទ្រ។ ចំណែកលើកទី២ សម្ដែងនៅកោះពេជ្រ ក្នុងរាជធានីភ្នំពេញ និង លើកទី៣ នៅវត្តស្ដេចកន ឯខេត្តកំពង់ចាម។
លោកថា ការសម្ដែងដែលរៀបចំបានល្អជាងគេគឺនៅកោះពេជ្រ ក្នុងថ្ងៃទី១ និង ទី២ នៃព្រះរាជពិធីបុណ្យអុំទូក អកអំបុក សំពះព្រះខែ និងបណ្តែតប្រទីប ឆ្នាំ ២០១០ ដោយមានឆាក បូកជាមួយភ្លើង និងថែមទាំងមានការសហការជាមួយក្រុមកីឡាកាសមកពីជប៉ុនដែរ។
តាមពិតកន្លងមកមានខាងដៃគូពាណិជ្ជកម្មមួយចំនួនបានទាក់ទងលោកដើម្បីយកក្រុមទៅសម្ដែងដែរ តែចរចាគ្នាមិនត្រូវពីបញ្ហាប្រាក់។ លោកបន្ថែមថាការហ្វឹកហាត់ត្រូវបំពាក់បំប៉នខ្លាំងជាទីបំផុតដល់កីឡាករ ព្រោះថានេះមិនមែនជាការប្រកួតដូចកីឡាប្រដាល់នោះទេ ពោលគឺជាការសម្ដែងមួយបែបដោយប្រើបច្ចេកទេសវាយត្រឹមត្រូវ តែខុសបន្តិចអាចបណ្ដាលឱ្យបាត់បង់ជីវិតបាន។
ខាងក្រោមជាវីដេអូសម្ដែងរបស់លើកដំបូងរបស់ក្រុមកីឡាកាសកម្ពុជា នៅឯខេត្តព្រះសីហនុ៖ http://youtu.be/fHczq7mxEjs អត្ថបទ៖ ម៉ឺន រស្មី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
