កញ្ញាឯកប្រចាំផ្សារទំនើប AEON Mall បានទៅលើអ្នកណាល្ងាចនេះ?

2015-01-11 21:18:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី AEON Mall Beauty Show ឬ ការប្រកួតសម្រស់និងម៉ូដប្រចាំផ្សារទំនើប AEON Mallនឹងឈានចូលដល់វគ្គផ្តាច់ព្រ័ត្រនៅថ្ងៃទី ១១ មករា ២០១៥នេះ។ក្នុងនោះយើងឃើញថាពីមួយវគ្គទៅមួយវគ្គបេក្ខនារីទាំង៦រូបបានខិតខំធ្វើការប្រកួតប្រជែងដោយធ្វើយ៉ាងណាឲ្យខ្លួនទទួលបានការបោះឆ្នោតគាំទ្រ ពីទស្សនិកជន និង ពីគណៈកម្មការដើម្បីបានក្លាយជាកញ្ញាឯកប្រចាំផ្សារទំនើប AEON Mall ។ ហើយការប្រកួតចុងក្រោយនេះគឺជាការបង្ហាញពីសំលៀកបំពាក់និងការតុបតែងមុខបែបរាត្រីសមោសរ (Gala Look) ។

កម្មវិធីប្រកួតរបស់យើងគឺបង្កើតឡើងក្នុងគោលបំណងផ្តល់នូវចំណេះដឹងនិងគំនិតបន្ថែមដល់មិត្តៗនារីទាំងអស់ក្នុងការតុបតែងខ្លួនឲ្យបានត្រឹមត្រូវតាមរដូវកាលនិងកម្មវិធីនីមួយៗ ដោយកម្មវិធីបានធ្វើរួចបីវគ្គមកហើយគឺការបង្ហាញម៉ូដវគ្គទី១បែបរដូវក្តៅ វគ្គទី២បែបការិយាល័យ វគ្គទី៣បែបជប់លៀង និង វគ្គទី៤ដែលជាវគ្គផ្តាច់ព្រ័ត្រនេះគឺនឹងបង្ហាញម៉ូដបែប រាត្រីសមោសរ ដែលមានការឧបត្ថម្ភយ៉ាងពិសេសពីសំណាក់ហាងលក់សម្លៀកបំពាក់ Eclipse។ ក្នុងនោះយើងសង្កេតឃើញថាមានមិត្តៗ នារីជាច្រើនបានចាប់អារម្មណ៍ ពីរបៀប តុបតែងមុខបែបរដូវកាលនីមួយៗនេះពីកម្មវិធីរបស់យើង។

ចង់ដឹងថាតើបេក្ខនារីមួយណាក្នុងចំណោម៦រូបនឹងជាប់ជាជយលាភីប្រចាំផ្សារទំនើប AEON Mall ដូច្នេះសូមចូលរួមទស្សនាទាំងអស់គ្នានៅថ្ងៃអាទិត្យទី ១១ មករា នេះ វេលាម៉ោង ៦ល្ងាច ឲ្យបានច្រើនកុះករនៅផ្សារទំនើប AEON Mall Lively Plaza ជាន់ផ្ទាល់ដី។

កម្មវិធីនេះដំណើរការបានរហូតដល់វគ្គផ្តាច់ព្រ័ត្រនេះក៏ដោយសារមានការចូលរួមឧបត្ថម្ភធំដោយ ក្រុមហ៊ុនទូរសព្ទចល័ត Microsoft Lumiaនិងចូលរួមសហការឧបត្ថម្ភដោយ ហាងលក់សំលៀកបំពាក់ Penshoppe, ហាងលក់ស្បែកជើងនិងកាបូប Carino, ហាងកាត់និងច្នៃម៉ូដសក់ Toni&Guy, SaporModelling Agency, ហាងលក់សម្លៀកបំពាក់ G2000, ហាងលក់សំលៀកបំពាក់ Lilyនិង ហាងលក់សម្លៀកបំពាក់ Eclipse ។ ក្នុងនោះដៃគូសហការក្នុងការផ្សព្វផ្សាយដោយ ក្រុមហ៊ុនសប្បាយឌីជីថល, ស្ថានីយទូរទស្សន៍ហង្សមាស HDTV និងទស្សនាវដ្តី Rose។ ឧបត្ថម្ភផលិតផលគ្រឿងសំអាងដោយ Elianto, The Face Shopនិង Yves Rocher។ អត្ថបទ៖ ដៃគូសហការ