PP Premier League 2014 ប្រកាសបើកល្ងាចមិញ

2014-10-03 16:06:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ការ ប្រកួតបាល់ទាត់ពានរង្វាន់ហ្វូតសាល Phnom Penh Premier League 2014 នឹងចាប់ផ្ដើមបើកការប្រកួតនៅថ្ងៃទី០៧ ខែតុលា ឆ្នាំ២០១៤ ខាងមុខនេះហើយ ដោយមានក្រុមចូលរួមចំនួន៦ ធ្វើការប្រកួតប្រជែងដណ្ដើមយកជើងឯក បន្ទាប់ពីបើកប្រកាសកាលពីល្ងាចមិញ។

កម្មវិធី ប្រកួតនេះគ្រោងនឹងចាប់ផ្ដើមនៅថ្ងៃទី០៧ តុលា និងបញ្ចប់នៅថ្ងៃទី១៦ ធ្នូ ២០១៤ ហើយក្រុមទាំង៦ដែលចូលរួមប្រកួតរួមមាន ក្រុម Cellcard ក្រុម Infinity Insurance ក្រុម CTN/MYTV ក្រុម NAGAWORLD ក្រុម Wing និងក្រុម ACE។

ការប្រកួតនឹងធ្វើឡើងរៀងរាល់ថ្ងៃអង្គារ នៅតារាង 3G (ទល់មុខរដ្ឋសភា) ចាប់ពីម៉ោង ៧ល្ងាច ដល់ម៉ោង ៩យប់។ ក្រុមទាំងអស់ត្រូវធ្វើការប្រកួតគ្នាវិលជុំសន្សំពិន្ទុ ដើម្បីស្វែងរកក្រុមជើងឯក។ យ៉ាងណាក្ដី ក្រុមចូលរួមទាំងនឹងទទួលបានពានរង្វាន់១ អមដោយមេដាយតាមចំណាត់ថ្នាក់ដែលទទួលបាន។

លោក Jimmy Campbell អ្នករៀបចំកម្មវិធីប្រកួតបានលើកឡើងថា ការប្រកួតនេះធ្វើឡើងក្នុងគោលបំណង រឹតចំណងសាមគ្គីភាព មិត្តភាព និងជួយបំផុសបំផុលសកម្មភាពកីឡាបាល់ទាត់នៅកម្ពុជាឲ្យកាន់តែមានភាពរីកចម្រើន។

អត្ថបទ៖ អៀង សូទ្រី