កម្ពុជានឹងមានក្រុមហ៊ុនផ្តល់សេវារក្សាទុកទិន្នន័យអ៊ីនធឺណិតដំបូងឆាប់ៗ

2015-02-07 00:07:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Ezecom នឹងនាំសេវា ibizCloud ជាសេវារក្សាទុកទិន្នន័យលើអ៊ីនធឺណិតដំបូងគេនៅកម្ពុជាក្នុងពេលដ៏ខ្លីខាងមុខនេះ។ បច្ចេកវិទ្យា Cloud កន្លងទៅមានតែក្រុមហ៊ុនបច្ចេកវិទ្យាធំៗ ដែលអាចវិនិយោគលើហេដ្ឋារចនាសម្ព័ន្ធស្មុគស្មាញនេះ ប៉ុន្តែក្នុងពេលឆាប់ៗនេះក្រុមហ៊ុនក្នុងស្រុកនេះនឹងនាំប្រតិបត្តិការរក្សាទុកទិន្នន័យលើអ៊ីនធឺណិតសម្រាប់ប្រទេសកម្ពុជា ដើម្បីឆ្លើយតបទីផ្សារអ្នកប្រើប្រាស់។

លោក សុខ យ៉េង ប្រធានផ្នែកផលិតកម្ម VAS ក្រុមហ៊ុនរបស់ Ezecom បានឲ្យដឹងថា ក្រុមហ៊ុន Ezecom នឹងបើកដំណើរការសេវាទុកទិន្នន័យលើអ៊ីនធឺណិត ibizCloud នៅដើមឆ្នាំ ២០១៥ នេះ។

សម្រាប់អ្នកដែលចូលចិត្តតាមដានបច្ចេកវិទ្យាថ្មីៗ ប្រាកដជាស្គាល់បច្ចេកវិទ្យា Cloud។ Cloud ជាបច្ចេកវិទ្យាដើម្បីរក្សាទុកឯកសារនិងកម្មវិធីនៅលើប្រព័ន្ធអ៊ីនធឺណិត ដែលបច្ចេកវិទ្យានេះអនុញ្ញាតឲ្យអ្នកប្រើប្រាស់ចូលបើកមើល ទាញយក និងប្រើប្រាស់ឯកសារបានគ្រប់ទីកន្លែង គ្រប់ពេលវេលាតាមរយៈឧបករណ៍ផ្សេងៗគ្នា។

លោកថា ពីមុនម្ចាស់អាជីវកម្មបារម្ភប្រសិនបើទិញសេវានេះពីក្រុមហ៊ុនទូរគមនាគមន៍ធំៗវាមានតម្លៃថ្លៃ ហើយបើមានបញ្ហាក៏ពិបាកជួបដោះស្រាយ។ ដូច្នេះជាមួួយការប្រើប្រាស់សេវា ibizCloud អតិថិជនកាន់តែងាយស្រួលនិងកាត់បន្ថយការចំណាយជាច្រើនផងដែរ។

លោក ខឹម សុខែម ប្រធានគ្រប់គ្រងគម្រោងនៅវិទ្យាស្ថានបើកទូលាយបានបង្ហាញការគាំទ្រសម្រាប់ក្រុមហ៊ុនក្នុងស្រុក ដែលមានគម្រោងបង្កើតសេវាទុកទិន្នន័យអនឡាញដែលនឹងជួយកាត់បន្ថយការចំណាយ និងធ្វើឲ្យការដំណើរការអាជីវកម្មកាន់តែងាយស្រួល។

យ៉ាងណា លោកក៏មានការព្រួយបារម្ភលើកត្តាសុវត្ថិភាព ដើម្បីផ្តល់ទំនុកចិត្តដល់អតិថិជនក្នុងការជាវយកទៅប្រើប្រាស់។

"ដូចដឹងស្រាប់ហើយ ក្រុមហ៊ុនធំៗដូចពពួកធនាគារគេត្រូវការប្រព័ន្ធសុវត្ថិភាពខ្ពស់លើការទុកដាក់ទិន្នន័យ ដើម្បីអាចបង្ការហានិភ័យនានា។ បើក្នុងករណីមានបញ្ហាកើតឡើង ពួកគេអាចស្វែងរកដំណោះស្រាយបានភ្លាមៗ និងប្រកបដោយប្រសិទ្ធភាព"។

ឆ្លើយតបការបារម្ភនេះ លោក សុខយ៉េង បានបញ្ជាក់ថា ក្រុមហ៊ុនមានក្រុមការងារក្នុងស្រុកដែលមានសមត្ថភាពនិងប្រកបដោយជំនាញច្បាស់លាស់ ដើម្បីអាចឆ្លើយតបរាល់បញ្ហាដែលអតិថិជនព្រួយបារម្ភ។ ជាមួយគ្នានេះ ក្រុមហ៊ុនក៏នឹងធ្វើការដើម្បីវាយតម្លៃលើការរៀបចំប្រព័ន្ធរក្សាទុក និងគ្រប់គ្រងដើម្បីឲ្យស្របតាមស្តង់ដារសុវត្ថិភាពអន្តរជាតិ។

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក Ezecom

អត្ថបទពេញនិយម

វៀតណាម គ្រោងយកភាសាមួយនេះ ជាភាសាផ្លូវការទី២ របស់ខ្លួន

ធ្វើការសុខៗ រងើកភ្លើងតណ្ហា ឡើងកម្តៅក្តៅដូចភ្នំភ្លើង កំពុងឆេះ ទ្រាំអត់បាន នាំគ្នាទៅបឿកនៅបន្ទប់ប្រជុំ

ឥណ្ឌា គ្រោងបញ្ជូនខ្លារខិន Royal Bengal ៦ក្បាល ទៅកម្ពុជា ហើយនឹងត្រូវប្រលែងនៅឧទ្យានជាតិមួយ

ក្រសួងសាធារណការនិងដឹកជញ្ជូន គ្រោងដាក់ឱ្យប្រើប្រាស់លេខពិសេសសម្រាប់ម៉ូតូ ឆាប់ៗនេះហើយ!

កម្ពុជា នឹងធ្វើម្ចាស់ផ្ទះរៀបចំការប្រកួតកីឡាវាយកូនហ្គោល International Series ដ៏ធំជាលើកដំបូង ឆ្នាំ២០២៥

ផ្កាកុលាបជាង ២ លានដើម រីកស្គុសស្គាយ នៅលើផ្លូវ Highway លាតសន្ធឹងប្រវែង ៥០០ គីឡូម៉ែត្រ

អត្ថបទថ្មី

ទីក្រុងទាំង ១០ មានថ្លៃចំណាយជីវភាពខ្ពស់បំផុតនៅ អាស៊ី បើមានចំណូលទាប ចាយអត់ដល់ចុងខែទេ!

កុំចេះតែស្រាត ផ្តេសផ្តាស! ទៅលេងកោះមួយនេះ បើហ៊ានស្រាត សាកថ្មជីវិត នឹងត្រូវពិន័យជាលុយធ្ងន់ធ្ងរ

បានទៅលេង សៀមរាប កុំភ្លេចឆៀងចូលទស្សនា សារមន្ទីរជាតិអង្គរ កន្លែងអភិរក្សបេតិកភណ្ឌខ្មែរ!

សហគមន៍អេកូទេសចរណ៍ អូរប្ញស្សីកណ្តាល ៖ ឋានសួគ៌ធម្មជាតិ នៅចំណុចប្រសព្វស្ទឹងត្រែង-ក្រចេះ