ទ័ពចំណាយ៥ពាន់ដុល្លារជួសជុលស្តាតចាស់ត្រៀមរដូវកាលថ្មី

2015-02-12 16:27:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លិបបាល់ទាត់ក្រសួងការពារជាតិ(ទ័ព)នឹងចំណាយប្រាក់ប្រមាណ៥០០០ដុល្លារអាមេរិកសម្រាប់ជួសជុលកីឡដ្ឋានកងយោធពលខេមរភូមិន្ទ(ស្តាតចាស់)ត្រៀមខ្លួនលីកបាល់ទាត់កំពូលកម្ពុជាដែលនឹងចាប់ផ្តើមនាខែមីនាខាងមុខនេះ។

លោក ទេព ឡុងរចនា គ្រូបង្គោលរបស់ក្លិបបានប្រាប់ Sabay ថា ដើមរដូវកាលនេះក្លិបរបស់លោកត្រូវត្រៀមខ្លួនធ្វើជាម្ចាស់ផ្ទះយុទ្ធនាការការប្រកួតលីកអាជីពរបស់កម្ពុជា(មិត្តហ្វូនខេមបូឌានលិក) ដូច្នេះក្លិបសម្រេចធ្វើការជួសជុលកីឡដ្ឋានស្តាតចាស់សម្រាប់រៀបចំការប្រកួត។

ទីលានវាលស្មៅស្តាតចាស់

លោកបានឲ្យដឹងថា ការជួសជុលនេះគឺទីមួយការឈូសឆាយស្មៅចាស់ចោលដោយដាក់ដាំស្មៅធម្មជាតិថ្មី និងការរៀបចំកែលម្អជុំវិញទីលាន។ ទីពីរការជួសជុលកន្លែងសម្រាប់ផ្លាស់ប្តូរសំលៀកបំពាក់ បន្ទប់ទឹក និងកន្លែងមន្ត្រីរៀបចំការប្រកួត។

«ទីលានប្រើស្មៅធម្មជាតិដូចពីមុន ហើយបន្ទប់ទឹក និងបន្ទប់ផ្លាស់ខោអាវរបស់កីឡាករ ជួសជុលបន្តិចបន្តួចប៉ុណ្ណោះ។ យើងត្រូវតែប្រញាប់ធ្វើឲ្យហើយមុនខែមីនាខាងមុននេះ ព្រោះយើងត្រូវចាប់ផ្តើមរដូវកាលថ្មី»។ លោកបានបញ្ជាក់។

ចំពោះថវិកាវិញ លោក ទេព ឡុងរចនាបានប្រាប់ថា តាមពិតទៅក្លិបមានការខ្វះខាតច្រើន ដូច្នេះប្រាក់ទាំងអស់នេះបានមកការប្រមូលមូលនិធិ ពីអ្នកឧបត្ថម្ភ និងអ្នកគាំទ្ររបស់ក្លិបទាំងអស់ដែលបានជួយគ្នា។ ការចំណាយនេះមិនទាន់អាចកំណត់បានច្បាស់ទាំងស្រុងនៅឡើយទេ ប៉ុន្តែបើតាមការគ្រោងទុកក្នុងការចំណាយប្រមាណជា៥០០០ដុល្លារអាមេរិក។

កីឡដ្ឋានកងយោធពលខេមរភូមិន្ទ (ស្តាតចាស់) ចាប់ផ្ដើមឈូសឆាយស្មៅកែប្រែទីលាន កាលពីព្រឹកថ្ងៃទី ១០ ខែ កុម្ភៈ ឆ្នាំ ២០១៥ កន្លងទៅហើយគ្រោងប្រើពេលមួយខែដើម្បីបញ្ចប់៕

អត្ថបទ ៖ ស្រី សុវណ្ណដារ៉ា

ពាក្យទាក់ទង

កីឡដ្ឋានកងយោធពលខេមរភូមិន្ទ ក្លិបក្រសួងការពារជាតិ

អត្ថបទពេញនិយម

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

អត្ថបទថ្មី

នាយករដ្ឋមន្រ្តីកម្ពុជា ជម្រុញបង្កើត Data Centre ដើម្បីរក្សាទុកស្នាដៃស្រាវជ្រាវ របស់ សិស្សនិស្សិត

តំណាងអគ្គនាយកដ្ឋានកីឡា៖ កីឡាករ កីឡាការិនីវូស៊ូទាំងអស់ទោះបញ្ចប់ការប្រកួតថ្នាក់ជាតិហើយក្ដី ត្រូវបន្តខំប្រឹងហ្វឹកហាត់ត្រៀមស៊ីហ្គេមនៅថៃទៀត

យប់មួយនៅ ហុងកុង ៖ មកស្គាល់ Bar ល្បីៗ ទាំង ៥ ផ្តល់នូវបរិយាកាស ពេលរាត្រីដែលមិនអាចបំភ្លេចបាន

Salah កំពុងតែវិលទៅរកកំណត់ត្រាឆ្នាំ២០២២ ដែលខ្លួនធ្លាប់ធ្វើបានជាមួយ Liverpool

ដើរឲ្យគេ Crush ពេញពិភពលោក ចុះនារីក្នុងចិត្តសមាជិក BTS ជាមនុស្សប្រភេទណាខ្លះវិញ?