វិ.ភ្នំពេញថ្មីការពារជើងឯកបាល់ទះយុវជន Western Cup បានសម្រេច
- 2015-02-17 14:13:54
- ចំនួនមតិ 0 | ចំនួនចែករំលែក 0
វិ.ភ្នំពេញថ្មីការពារជើងឯកបាល់ទះយុវជន Western Cup បានសម្រេច
ចន្លោះមិនឃើញ
ក្រុមបាល់ទះនៃវិទ្យាល័យសម្តេច ហ៊ុន សែនភ្នំពេញថ្មីបានក្លាយជាជើងឯកពានរង្វាន់បាល់ទះយុវជនរាជធានីភ្នំពេញវេស្ទើន (Western Cup) ហើយក៏ជាការការពារជើងឯកចាស់របស់ខ្លួនបានសម្រេច បន្ទាប់ពីបានយកឈ្នះក្រុមបាល់ទះវិទ្យាល័យជាស៊ីមសាមគ្គីដោយលទ្ធផលដ៏ស្វិតស្វាញ ៣-២ កាលពីល្ងាចមិញនៅពហុកីឡដ្ឋានជាតិអូឡាំពិក ខណៈលេខ៣បានទៅក្រុមវិទ្យាល័យព្រែកឯង និងលេខ៤បានទៅក្រុមវិទ្យាល័យជម្ពូវ័ន្ត។
ជយលាភីលេខ១ ទទួលបានពាន១ ទង់អនុស្សាវរីយ៍១ ប្រាក់រង្វាន់១០លានរៀល អាវយឺត១២ បាល់២គ្រាប់ និងសំណាញ់ហ្វីឡេ១ ព្រមទាំងអាហារូបករណ៍៥០%រយៈពេល៤ឆ្នាំនៅសាកលវិទ្យាល័យវេស្ទើន។ លេខ២ទទួលបានទង់អនុស្សាវរីយ៍១ ប្រាក់រង្វាន់៦លានរៀល អាវយឺត១២ បាល់២គ្រាប់ និងសំណាញ់ហ្វីឡេ១ ព្រមទាំងអាហារូបករណ៍៥០%នៅសាកលវិទ្យាល័យវេស្ទើន។
សម្រាប់ជយលាភីលេខ៣ ទទួលបានទង់អនុស្សាវរីយ៍១ ប្រាក់រង្វាន់៤លានរៀល អាវយឺត១២ បាល់២គ្រាប់ និងសំណាញ់ហ្វីឡេ១ ព្រមទាំងអាហារូបករណ៍៥០%រយៈពេល៤ឆ្នាំនៅសាកលវិទ្យាល័យវេស្ទើន។ លេខ៤ទទួលបានទង់អនុស្សាវរីយ៍១ ប្រាក់រង្វាន់៣លានរៀល អាវយឺត១២ បាល់២គ្រាប់ និងសំណាញ់ហ្វីឡេ១ ព្រមទាំងអាហារូបករណ៍៥០%នៅសាកលវិទ្យាល័យវេស្ទើន ព្រមទាំងមានរង្វាន់មួយចំនួនទៀតដល់ក្រុមដែលបានចូលរួមទាំងអស់៕
អត្ថបទ៖ ជាន ចាន់រ៉ា