ម្ចាស់រង្វាន់ឧបករណ៍ហ្គេមម៉ាក Razer បណ្ដោះអាសន្នទាំង ១០ រូប

2015-02-24 23:32:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្លេចៗខ្លួន បក្សម៉ីងបានបើកដំណើរការ បង្ហាញខ្លួនក្នុងសេវាកម្សាន្តនិស្ស័យស្នេហ៍ដាវទេព JXII បានប្រមាណជាង ២ សប្ដាហ៍ហើយ។ តើក្នុងរយៈពេល ២ សប្ដាហ៍នេះ តួអង្គប្រយុទ្ធបក្សម៉ីងរូបណាមានកម្រិត Level ខ្ពស់ជាងគេ? ហើយមានកម្រិត Level ប៉ុន្មានដែរ?

ដោយសារតែបក្សម៉ីងចង់រក្សានូវកិត្តិនាមឲ្យបានល្អនៅក្នុងពិភពគុន ដូច្នេះបក្សម៉ីងមិនបានទទួលសិស្សចូលបក្សដោយសេរីដូចបក្សដទៃនោះទេ ពោលគឺអ្នកកម្សាន្តគ្រប់រូបត្រូវមានផ្លាកបញ្ជាចូលបក្សដែលអាច បញ្ជាក់ថាអ្នកគឺពិតជាមានចិត្តអំណត់ចង់ក្លាយជាសិស្សបក្សម៉ីង ទើបមេបក្សម៉ីងព្រមទទួលប្រិយមិត្តធ្វើជាសិស្ស និងក្លាយជាសមាជិកបក្សម៉ីងជាផ្លូវការ។

អាន៖ JX ផ្ដល់រង្វាន់មហាសាលឧបករណ៍ហ្គេមម៉ាក Razor ដល់អធិរាជកាំបិតធំ

មូលហេតុនេះ បានបង្កជាផលលំបាកយ៉ាងខ្លាំងដល់អ្នកក្លាហានគ្រប់រូបដែលចង់ក្លាយជាសមាជិកបក្សម៉ីង ទើបធ្វើឲ្យអ្នកកម្សាន្តគ្រប់រូបមិនអាចបង្កើនកម្រិតបានលឿនឡើយ ដោយត្រូវចំណាយពេលស្វែងរកផ្លាកបញ្ជាចូលបក្សជាមុនសិន។

គិតត្រឹមថ្ងៃទី ២៤ ខែកុម្ភៈ ឆ្នាំ ២០១៥ នាវេលាម៉ោង ៣:៣០ នាទីរសៀល បក្សម៉ីងមានសិស្សសរុបប្រមាណជាចំនួន ១០០ នាក់ហើយ ដោយ Tomiko និង Takahiro គឺជាកំពូលសិស្សដែលមានកម្រិត Level ខ្ពស់ជាងគេគឺ Level 86 ដូចគ្នា ដេញពីក្រោយដោយតួអង្គប្រយុទ្ធបក្សម៉ីងជាច្រើនទៀតដែលមានកម្រិត Level ប្រហាក់ប្រហែលគ្នា។

សម្រាប់តួអង្គប្រយុទ្ធទាំង ១០ រូបដែលមានឈ្មោះនៅលើកំពូលតារាងខាងលើនេះ គឺកំពុងទទួលបានងារជាអធិរាជកាំបិតធំប្រចាំបក្សម៉ីង ហើយក៏ជាម្ចាស់រង្វាន់ឧបករណ៍ហ្គេមដ៏ល្បីម៉ាក Razer ជាបណ្ដោះអាសន្នផងដែរ។ បើសិនជាកំពូលអធិរាជកាំបិតទាំង ១០ រូបអាចរក្សាតំណែងនេះបានរហូតដល់ថ្ងៃទី ១០ ខែមិនា ឆ្នាំ ២០១៥ ពួកគេនឹងក្លាយជាម្ចាស់រង្វាន់ឧបករណ៍កុំព្យូទ័រល្បីខាងហ្គេមម៉ាក Razer ពិតប្រាកដ។

ដូច្នេះអ្នកក្លាហានបក្សម៉ីងទាំងអស់ មិនថាសិស្សប្អូន សិស្សច្បង ឬអធិរាជកាំបិតធំបណ្ដោះអាសន្នទាំង ១០ រូបឡើយ កុំភ្លេចព្យាយាមបង្កើនកម្រិត Level ឲ្យបានលឿនជាងនេះទៅទៀត ព្រោះរង្វាន់ជាច្រើនកំពុងរង់ចាំអ្នកដែលមានសមត្ថភាពពិតប្រាកដ។

អត្ថបទ៖ ភីឆាយ