ZTE បញ្ចេញកំពូល Smartphone Blade S6 សមត្ថភាពនិងរូបរាងមិនធម្មតា

2015-03-23 19:00:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ZTE Blade S6 ជាកំពូល Smartphone ប្រចាំឆ្នាំ២០១៥ របស់ក្រុមហ៊ុនចិនដ៏ល្បីឈ្មោះ ZTE Corporation ដែលបានប្រកាសកាលពីខែមករាកន្លងទៅ។ ZTE Blade S6 មានរាងស្ដើងកម្រាស់ត្រឹមតែ ៧,៧ម.ម ប៉ុណ្ណោះ ដែលជាគូប្រកួប្រជែងម៉ាកទូរសព្ទល្បីៗទៀតទាំងសមត្ថភាពនិងការរចនារូបរាងដ៏ស្រស់ឆើត។

*ការរចនារូបរាង

បើនិយាយពីរូបរាង Blade S6 ត្រូវបានរចនារូបរាងយ៉ាងស្រស់ស្អាតជាមួយអេក្រង់កោងបង្ហាញភាពលេចធ្លោមិនចាញ់កំពូល Smartpone ដទៃប៉ុន្មានឡើយ។ សំបករបស់ Blade S6 ស្រោបដោយប្លាស្ទិកពិសេសប្រកបដោយគុណភាពខ្ពស់។ កាមេរ៉ាក្រោយរបស់ Blade S6 ស្ថិតនៅផ្នែកខាងលើឆៀងខាងឆ្វេងនៃទូរសព្ទ រីឯរន្ធ Speaker វិញនៅផ្នែកខាងក្រោមឆៀងខាងស្ដាំ។ ផ្នែកគែមខាងស្ដាំ (មើលទល់មុខអេក្រង់) មានរន្ធពីរ មួយសម្រាប់ SIM Card និងមួយសម្រាប់ microSD Card រីឯជ្រុងម្ខាងទៀតមានប៊ូតុងសំឡេង និងប៊ូតុង Power។ រន្ធដោតកាសស្ថិតនៅផ្នែកខាងលើ និងរន្ធ USB សម្រាប់ដោតថ្មនៅផ្នែកខាងក្រោមនៃទូរសព្ទ។

ប៊ូតុង HOME របស់ Blade S6 មានរាងមូលតូច និងចេញភ្លើងពណ៌ខៀវពេលទូរសព្ទដំណើរការ ខណៈដែលប៊ូតុង Back នៅផ្នែកខាងឆ្វេង និងប៊ូតុង Options នៅផ្នែកខាងស្ដាំ តែប៊ូតុងទាំងពីរនេះអាចឱ្យប្រិយមិត្តផ្លាស់ប្ដូរបាន។

* Display របស់ Blade S6

ZTE Blade S6 មានអេក្រង់ភ្លឺច្បាស់ត្រជាក់ភ្នែកទំហំ៥អ៊ីញ ប្រើបច្ចេកវិទ្យា IPS LCD និងមាន Resolution 1280x720 pixels ដែលផ្ដល់គុណភាពភ្លឺច្បាស់សម្រាប់ការលេងហ្គេម និងមើលវីដេអូ។ Touchscreen របស់ Blade S6 គឺពិតជាលឿន និង Smooth ដែលធ្វើឱ្យអ្នកមានអារម្មណ៍ថាមានផាសុកភាពបំផុតពេលយកម្រាមដៃចុចលើវា។

*ការដំណើរការកាមេរ៉ា និងផ្នែក Hardware (Performance, Camera and Hardware)

Blade S6 បំពាក់ដោយ Processor ប្រភេទ Octa-core 64-bit Qualcomm MSM8939 Snapdragon 615 ចំណែកឯ CPU មានពីរប្រភេទ៖ ទី១. Quad-core Cortex-A53 ល្បឿន 1.7 GHz និងទី២. Quad-core Cortex-A53 ល្បឿន 1.0 GHz។ ដោយឡែកចំពោះ Memory វិញទំហំ 16GB ដែលអាចបន្ថែម microSD Card ពីក្រៅបានទំហំ 64GB និងមាន RAM ទំហំ 2GB និងមានកាមេរ៉ាក្រោយទំហំ 13MP និងមុខ 5MP។ Blade S6 មានថាមពលថ្ម 2,400mAh និងមានមុខងារសន្សំសំចៃថាមពលថ្មឱ្យប្រើបានយូរថែមទៀតផង។

ចំពោះកាមេរ៉ាក្រោយរបស់ Blade S6 មានសមត្ថភាពអាចថតរូបនៅទីងងឹតបានច្បាស់ ដោយមានទំហំ Aperture f/2.0។ ចំណែកឯ Lens កាមេរ៉ាមុខវិញមានទំហំ Angle ធំទូលាយ ដែលមិនធ្វើឱ្យការថតរូប Selfie របស់អ្នក ឬជាក្រុមដាច់កំណាត់ៗឡើយ។

*ផ្នែក Software

កំពូល Smartphone មួយនេះបំពាក់ដោយប្រព័ន្ធប្រតិបត្តិការ Android Lollipop (Version 5.0.1) ដែលធ្វើឲ្យការដំណើការកម្មវិធីនិងមុខងារផ្សេងៗមានភាពរលូន។

នៅពេលអ្នកយកម្រាមដៃអូសពីផ្នែកខាងក្រោមទូរសព្ទនោះ នឹងឃើញផ្ទាំង Customization Options ដែលមានដូចជា MIColor, Wallpaper, Effect និង Menu សម្រាប់ផ្លាស់ប្ដូរផ្ទៃ ឬរូបភាពលើអេក្រង់តាមតែការចូលចិត្ត។

លើសពីនេះ Blade S6 ក៏មានមុខងារ Gesture and Motion ដែលងាយស្រួលក្នុងការគ្រប់គ្រងកម្មវិធីមួយចំនួនដោយប្រើកាយវិការ។ Gesture មានមុខងារតូចៗក្នុងនោះដូចជា Air Gesture (លើកទូរសព្ទ ហើយទាញវាជាអក្សរ V ឬ O ដើម្បីបើកឬស្តុបបទចម្រៀង) Cover Phone Screen (ដើម្បី Silence ការហៅចូលណាមួយ ដោយគ្រាន់តែសំកាំងដៃពីលើទូរសព្ទ) និងមុខងារ Shake It (គ្រវីទូរសព្ទពេលវាជាប់សោ ដើម្បីបើក Flash និងកាមេរ៉ា)។ មុខងារ Motion មានដូចជា Auto call, Auto answer, Pocket mode, Flip mode, Activate camera និង Activate mirror។

Highlight ចំណុចពិសេសៗ ZTE Blade S6៖

-រាងស្លីមគែមនៃអេក្រង់រាងកោងដែលធ្វើ Blade S6 មើលទៅកាន់តែស្រស់ស្អាត។

-មានមុខងារបើកឬបិទបទចម្រៀង បើកកាមេរ៉ា និងមុខងារផ្សេងទៀត ដោយប្រើកាយវិការ (Gesture and Motion) ដែលផ្ដល់ភាពងាយស្រួលបំផុតសម្រាប់អ្នកប្រើប្រាស់។

-កាមេរ៉ាក្រោយរបស់ Blade S6 មានទំហំ 13MP (ប្រើបច្ចេកវិទ្យា Sony Exmor IMX214 CMOS) អាចថតរូបនៅទីងងឹតបានច្បាស់ ដោយមានទំហំ Aperture f/2.0 រីឯកាមេរ៉ាមុខទំហំ 5MP អាចថតរូប Selfie បានច្បាស់និងមិនដាច់កំណាត់ៗឡើយ។

-មុខងារ AliveShare ដែលអាចឱ្យអ្នកបញ្ជូនទិន្នន័យពីទូរសព្ទមួយទៅទូរសព្ទមួយទៀតបានយ៉ាងលឿន ដោយមិនត្រូវការភ្ជាប់ WiFi ឬតំណភ្ជាប់អ្វីផ្សេងឡើយ។

-ប្រព័ន្ធ WiFi របស់ Blade S6 ជាប្រភេទ Dual Band ដោយអាចបញ្ជូនទិន្នន័យក្នុងល្បឿនលឿន 2.4GHz និង 5GHz។

-បច្ចេកវិទ្យា MiFavor 3.0 ដែលមាន Theme, Background Colors, Wallpapers និង icon ប្លែកៗនិងស្រស់ស្អាត សម្រាប់ផ្លាស់ប្ដូរ User Interface នៅលើ ZTE Blade S6។

-Processor ប្រភេទ Octa-core 64-bit Qualcomm MSM8939 Snapdragon 615

-GPU ប្រភេទ Adreno 405

-អេក្រង់ ៥អ៊ីញ (ប្រើបច្ចេកវិទ្យា IPS) ដែលអាចបង្ហាញគុណភាពរូបភាពកម្រិត HD។

-ប្រព័ន្ធប្រតិបត្តិការ Android Lollipop (Version 5.0.1) ជាមួយបច្ចេកវិទ្យា MiFavor 3.0 UI របស់ ZTE

-Memory ទំហំ 16GB (អាចបន្ថែម microSD Card បានទំហំ 64GB) និង RAM ទំហំ 2GB

-ZTE Blade S6 មានស៊ីមពីរ ប្រើប្រព័ន្ធ4G មានប្រព័ន្ធ WiFi និង Bluetooth 4.0។

-ប្រព័ន្ធ 2G: GSM 850/900/1800/1900MHz, 3G: UMTS: 850/900/2100MHz និង 4G: LTE: 1800/2600/900/700MHz៕