អតិថិជន និងអ្នកសារព័ត៌មានលង់ចិត្ត ក្រោយបានសាកប្រើកំពូលស្មាតហ្វូនថ្មីបំផុត Huawei Honor 6 Plus

2015-04-02 17:25:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អតិថិជនពិសេសមួយក្រុម និងប្រព័ន្ធផ្សព្វផ្សាយមួយចំនួនរបស់ Huawei បានទទួលសិទ្ធិអាទិភាពមុនគេ ដោយទទួលបានការប្រើប្រាស់ទូរស័ព្ទ Honor 6 Plus ដែលជាស្មាតហ្វូនស៊ីមពីរលំដាប់កំពូលចុងក្រោយបំផុតរបស់ Huawei។ ព្រឹត្តិការណ៍នៃការទទួលយកបទពិសោធន៍ថ្មីដ៏អស្ចារ្យនេះ បានរៀបចំដោយ ដៃគូពាណិជ្ជកម្ម និងភ្នាក់ងារផ្សព្វផ្សាយពាណិជ្ជកម្ម កាលពីថ្ងៃទី៣០ ខែមិនាកន្លងទៅនេះ។

ស្មាតហ្វូន Huawei Honor 6 Plus ដែលនឹងត្រូវដាក់បង្ហាញលក់ជាផ្លូវការនៅថ្ងៃ០៦ មេសា និងចែកចាយពេញទូទាំងប្រទេស បន្ទាប់ពីចូលឆ្នាំខ្មែររួច គឺជាប្រភេទស្មាតហ្វូន ដែលត្រូវបានបំពាក់ដោយកាមេរ៉ាឡេនភ្លោះពីរ។ ក្នុងនោះ Honor6 Plus ត្រូវបានគេប្រសិទ្ធិនាមឱ្យថា King Of Night-Shot ដែលអាចថតបានច្បាស់ ទោះបីកម្រិតពន្លឺទាប ដោយភ្ជាប់នឹងមុខងារដ៏ឆ្លាតវៃ អាចជួយកាត់ភាពព្រាលៗ បន្ថែមពណ៌រួម និងពន្លឺ ធ្វើឱ្យអ្នកនឹងប្លែកភ្នែកថាដូចកំពុងប្រើជាមួយនឹងកាមេរ៉ាអាជីពដែរ។

Honor 6 Plus មានប្រព័ន្ធចាប់រូបភាពភ្លឺច្បាស់ និងពិតជាអស្ចារ្យសម្រាប់ការថតរូបសែលហ្វី បំពាក់មុខងារ (All focus) ថតរូបស្អាត (Best Photos) បច្ចេកវិទ្យាថតរូបច្បាស់ពេលយប់ (Super low light) ទោះបីជាខ្សោយពន្លឺ ឬកុងពន្លឺ នៅតែថតរូបបានច្បាស់ដូចថ្ងៃ ឬឃើញនឹងភ្នែក។ សម្បកខាងក្រៅត្រូវបានស្រោបលម្អដោយបន្ទះកញ្ចក់ភ្លឺរលោងមាន៦ស្រទាប់ ដែលធន់នឹងការធ្លាក់ធម្មតា ឬ ឆ្កូត ឆ្លងតាមទម្លាក់ ឬបាញ់គ្រាប់កាំភ្លើងខ្យល់។ ការប្រើប្រាស់បន្ទះឈីបកម្លាំងយក្ស Hisilicon Kirin 925 ប្រភេទ Octa Core 1.8 GHz និងដំណើរការដោយប្រព័ន្ធប្រតិបត្តិការ Android 4.4 ជាមួយនឹងអេក្រង់ FHD ទំហំ 5.5 អ៊ីញ។ ជាមួយនឹងម៉ាស៊ីនថតទំនើបពីររបស់ខ្លួនទំហំ 8.0 មេហ្គាភិចសែល ទាំងមុខ និងក្រោយ អតិថិជនអាចសប្បាយរីករាយនឹងការផ្ដិតយករូបភាព និងវីដេអូបានគ្រប់ ពេលវេលា។ លើសពីនេះទៀតវាមានល្បឿនលឿនអស្ចារ្យជាមួយនឹង RAM 3GB និងសមត្ថភាព ដោនឡូតក្នុងកម្រិតល្បឿនលឿនដូចព្យុះដោយបច្ចេកវិទ្យា 4G LTE Cat 6 ។

កញ្ញា អូន ម៉ីម៉ី បុគ្គលិកក្រុមហ៊ុនឯកជន និងជាអ្នកសារព័ត៌មានផ្នែក អនឡាញ បានបង្ហាញពីក្តីរំភើបដែលបានសាកល្បងប្រើមុខគេថា HUAWEI Honor 6 plus គឺជាស្មាតហ្វូនដ៏ហ៊ឺហា ទំនើបក្នុងក្តីសុបិន និងបង្ហាញពីស្តាយពិតរបស់នាងជាយុវវ័យចូលចិត្តស្តាយកាលីបៗ Cute Cute ពណ៌ឆើតស្រស់ពណ៌មាស ស៊ីមពីរ អេក្រង់ធំ ល្បឿនអ៊ិនធឺណិតលឿនថតរូបលឿនដោយមិនបាច់ដោះសោអាចបញ្ជា បិត ឬបើកម៉ាស៊ីនត្រជាក់ ទូរទស្សន៍ វីស៊ីឌី ដែលនាំអោយសម្រស់នាងកាន់ស្រស់ cute ហ៊ឺហា មួយកម្រិតទៀត។ "ពេលដែលខ្ញុំបង្ហាញស្ទាយថ្មីៗ ក្នុងបណ្តាញសង្គម ដូចជា Facebook, Instagram, Line របស់ខ្ញុំ មិត្តភក្តិតែងសសើរមិនដាច់ពីមាត់ និង Like ដ៏ច្រើន"។

លោក អែម យុទ្ធូ នាយកជាន់ខ្ពស់ផ្នែកទីផ្សាររបស់ក្រុមហ៊ុន Huawei កម្ពុជា បានមានប្រសាសន៍ថា៖ «ស្មាតហ្វូន Huawei 6 Plus និង Huawei G7 ប្រភេទស៊ីមពីរ គឺជាកំពូលស្មាតហ្វូនដ៏អស្ចារ្យ ដែលនឹងចូលវាយលុកទីផ្សារស្មាតហ្វូនក្នុងប្រទេសកម្ពុជា។ ក្នុងនាមជាក្រុមហ៊ុនឈានមុខគេរបស់ពិភពលោក ផ្នែកបច្ចេកវិទ្យាព័ត៌មាន និងទូរគមនាគមន៍ និងជា ក្រុមហ៊ុនទូរស័ព្ទស្មាតហ្វូនលំដាប់លេខ៣ និងលេខ២ ចំពោះទូរស័ព្ទដែលដំណើរការដោយប្រព័ន្ធដំណើរការ Android លើពិភពលោក យើងពិតជាមានមោទនភាពខ្លាំងណាស់ ក្នុងការណែនាំដល់អ្នកប្រើប្រាស់នៅកម្ពុជា នូវស្វាតហ្វូនដែលមានលក្ខណៈពិសេស និងគុណភាពកម្រិតអន្តរជាតិ។ យើងមានទំនុកចិត្តថា អតិថិជនរបស់យើង នឹងទទួលបានបទពិសោធន៍ដ៏អស្ចារ្យជាមួយនឹង Honor 6 Plus ដោយសារតែស្មាតហ្វូននេះ គឺមិនដូចទៅនឹងស្មាតហ្វូនដទៃទៀត ដែលយើងបានផលិតឡើងកន្លងមកនោះទេ។ វាគឺជាស្មាតហ្វូនកម្រិតកំពូលថ្មីមួយដែលប្រមូលយកគុណសម្បត្តិរបស់ស្មាតហ្វូនទាំងអស់»៕