វា​ជា​លើក​ទីបួន​ហើយ​ដែល​ក្រុមហ៊ុន​តូតាល់​បាន​ធ្វើ​ការ​ផ្តល់​រង្វាន់​ដល់​អ្នក​ឈ្នះ​រង្វាន់​ទាំង​បីរូប​នៃ​កម្មវិធី “ប្រមាញ់​រូបភាព​ម៉ូតូ​កង់​បីតូតាល់” ពួក​គាត់​ទាំង​បីជា​បេក្ខជន និង​បេក្ខនារី​ដែល​ត្រូវ​បាន​ជ្រើសរើស​​ក្នុង​ចំនោម​អ្នក​ប្រកួតប្រជែង​រាប់រយ​នាក់​ដែល​បាន​ចូលរួម​បង្ហោះ​រូបថត​នៅ​លើ​ទំព័រ​ហ្វេសប៊ុក​របស់យើង។ នេះ​សបញ្ជាក់​អោយ​ឃើញ​ថា​យុទ្ធនាការ “ប្រមាញ់​រូបភាព​ម៉ូតូ​កង់បី​តូតាល់” នេះ​បាន​ទទួលការ​គាំទ្រ​គួរ​ឱ្យកត់​សម្គាល់​ព្រម​ទាំង​ទទួល​បាន​ការ​ជឿទុកចិត្ត​ពី​អ្នកគាំទ្រ​ទាំងអស់​ដែល​ភាគ​ច្រើន​ពួកគាត់​ជា​យុវវ័យ។ យើង​ក៏​បាន​កត់សម្គាល់​ឃើញ​ថាមានការ​កើនឡើង​យ៉ាងខ្លាំង​នូវ​ចំនួន​នៃការ “Like” ការ “Share” និង​ការ “Post” នៅ​លើ​ទំព័រ Facebook របស់​យើង លើស​ពីអ្វី​ដែល​យើង​បាន​រំពឹង​ទុក​ថា" នេះ​ជា​ប្រសាសន៍​របស់​លោក Yves Jassaud នាយក​គ្រប់គ្រង​នៃ​ក្រុមហ៊ុន​តូតាល់​កម្ពុជា។

កញ្ញា​ ផា ស្រីពេជ្រ ជា​អ្នក​ឈ្នះ​រង្វាន់​តូតាល់ ជាមួយ​នឹង​ទូរទស្សន៍ LED ១គ្រឿង កញ្ញា​បាន​បង្ហាញ​អារម្មណ៍​រំភើប​រីករាយ ដែល​កញ្ញា​បាន​ក្លាយ​ជា​អ្នក​ឈ្នះ​រង្វាន់ LED ២គ្រឿង។ កញ្ញា​បាន​អោយ​ដឹង​ថា​ កញ្ញា​សឹង​តែ​មិន​ចង់​ជឿថា​ កញ្ញា​ពិតជា​បាន​ក្លាយ​ជា​អ្នក​ឈ្នះ​រង្វាន់​ម្នាក់​ប្រចាំខែ​ទី ៤ នេះ​ទេ។ កញ្ញា​បាន​បញ្ជាក់​ថា​កញ្ញា​នឹង​ព្យាយាម​បន្តទៀត​ដើម្បី​ក្លាយ​ជា​ម្ចាស់​ទូរស័ព្ទ iPhone 6 នៅខែ​ចុងក្រោយ​ដែល​នៅ​សល់​តែ២ខែ​ទៀត​ប៉ុណ្ណោះ។

លោក Yves Jassaud នាយក​គ្រប់គ្រង​នៃ​ក្រុមហ៊ុន​ តូតាល់​ប្រចាំ​នៅកម្ពុជា ក៏​បាន​សម្តែង​នូវ​ការ​ថ្លែង អំណរគុណ​ដ៏​ជ្រាលជ្រៅ​ចំពោះ​អ្នក​គាំទ្រ​ទាំងអស់ ដែលបាន​ព្យាយាម​ស្វះស្វែង​តាម​ប្រមាញ់​រូបភាព​ម៉ូតូ កង់បី​តូតាល់ ទោះបី​ជា​រូបភាព​ខ្លះ​ថត​ច្បាស់​ល្អ ឬមិនសូវ​ច្បាស់ ប៉ុន្តែ​នេះ​ស​បញ្ជាក់ថា​អ្នក​ទាំងអស់​គ្នា ពិតជា​បាន​ខំ​ប្រឹង និង​គាំទ្រ​កម្មវិធី​យើង​យ៉ាង​ពេញ​ទំហឹង​ពិត​ប្រាកដមែន។

លោក​​នាយក Yves Jassaud សង្ឃឹម​ថាអ្នក​ចូលរួម​ទាំងអស់​ដែល​មិន​ទាន់​បាន​ឈ្នះ​រង្វាន់​នឹង​នៅ​តែ​ខំ តស៊ូ​ចូលរួម​ប្រកួត​នៅ​ខែ​បន្ទាប់ៗ​ទៀត បើ​មិន​ទាន់​បាន​ឈ្នះ​កុំអាល​អស់​សង្ឃឹម​ត្រូវ​ព្យាយាម​បន្ត​ទៀត ព្រោះ​ក្រុមហ៊ុន តូតាល់ ពិតជា​ផ្តល់​រង្វាន់​ពិតៗ​ជូន​អ្នក​ឈ្នះ​រហូត​ដល់​ចុង​ខែមេសា ឆ្នាំ២០១៥​​​​​​។

សូម​បញ្ជាក់​ថា​អ្នក​មាន​សំណាង​ឈ្នះរង្វាន់​ទាំង៥ នាក់​រួមមាន៖

១- ផា ស្រីពេជ្រ ​ ដែល​មាន​ឈ្មោះ​នៅ​លើ Facebook PichPha​​​ ជា​អ្នក​ដែល​បាន Post រូបភាព​ច្រើន​ជាងគេ ឈ្នះ​រង្វាន់​ទូរទស្សន៍ LED ១ គ្រឿង

២- តាំង គីមឡុង ដែល​មាន​ឈ្មោះ​នៅលើ Facebook Kimlong Tang ជាអ្នក​ដែល​ទទួល បាន Like ច្រើន​ជាងគេ ឈ្នះ​រង្វាន់​កាត​តូតាល់​ទឹកប្រាក់​ចំនួន ១០០ ដុល្លារ

៣- ផេង ចន្ថា ដែលមាន​ឈ្មោះ​នៅ​លើ Facebook Chantha Pheng ជាអ្នក​ដែល​ទទួលបាន Like ច្រើន​ជាង​គេ ឈ្នះរង្វាន់​កាតតូតាល់​ទឹកប្រាក់ចំនួន ១០០ ដុល្លារ

គួរបញ្ជាក់​ថា “កម្មវិធី​ប្រមាញ់​រូបភាព​ម៉ូតូ​កង់បី​តូតាល់” ចាប់ផ្តើម​ពី​ខែវិច្ឆិកា ឆ្នាំ២០១៤ រហូត​ដល់​ខែមេសា ឆ្នាំ ២០១៥។ ព័ត៌មាន​បន្ថែម​សូមចូល​ទៅ www.facebook.com/TOTAL

អំពី​ក្រុមហ៊ុន​តូតាល់

តូតាល់ គឺជា​ក្រុមហ៊ុន​ប្រេង និងឧស្ម័ន​ដ៏ធំបំផុត​មួយនៅ​លើ​ពិភពលោក ដែល​មាន​ប្រតិបត្តិការ​នៅបណ្ដា ប្រទេស​ជាង ១៣០ ប្រទេស។ តូតាល់​កម្ពុជា​បាន​ប្រតិបត្តិការ​ជាផ្លូវការ​នៅកម្ពុជា​ឆ្នាំ១៩៩៣ ខណៈ​ដែល ក្រុមហ៊ុន​មាន​វត្តមាន​ជាង ៧០ ឆ្នាំ​មក​ហើយ។ ទូទាំង​ប្រទេស តូតាល់​កម្ពុជា​បាន​ចូល​ទៅក្នុង​ទីផ្សារ​នៃ ផលិតផល​ប្រេង និង​សេវាកម្ម​បម្រើជូន​អតិថិជន​ទាំងឯកជន និង​សាធារណៈជន។

បច្ចុប្បន្ន តូតាល់​មានផលិតផល​ និងសេវាកម្ម ច្រើនជាង ៥០ ស្ថានីយ​ប្រេងឥន្ធនៈ​តាមផ្លូវ (ប្រេងសាំង និង ម៉ាស្សូត) និង​មាន ២០ ហាងទំនិញ​លក់​ផលិតផល​ផ្សេងៗ ព្រមទាំង​មានប្រេង​សម្រាប់​រោងចក្រ ប្រេងចាក់​យន្តហោះ និងប្រេង​ម៉ាស៊ីន​ផងដែរ។ ជាចុង​ក្រោយ កាត​សម្រាប់​ចាក់​សាំង​តូតាល់ (តូតាល់​ក្លឹបកាត) គឺមាន​អត្ថប្រយោជន៍​បំផុត​ក្នុងការ​គ្រប់ គ្រង​ការទិញ​ប្រេងសាំង​របស់​អ្នក​បាន​យ៉ាង​ងាយស្រួល។ តាមរយៈ​ផលិតផល និង​សេវាកម្ម​ខាងលើ​ យើង ក៏ផ្តល់​សេវាកម្ម​ដ៏ចាំបាច់​ផ្សេងទៀត​ដូចជា​ការវិភាគ​លើការ​ប្រើប្រាស់​ប្រេង និងការ​ដំឡើង​ធុងប្រេង និង ការ​ដឹកជញ្ជូន​ចំណុះ​ប្រេង​ទៅឲ្យ​អតិថិជន​ពាណិជ្ជកម្ម​ផងដែរ៕

អត្ថបទ៖ ពាណិជ្ជកម្ម