វ័យចាស់ ទ័ព និង ប៉ូលិស ឡើងផ្ដាច់ព្រ័ត្រ រសៀលនេះ នៅស្តាតចាស់

2015-04-09 16:28:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់វ័យចាស់ម្ចាស់ផ្ទះក្រសួងការពារជាតិ (ទ័ព) និង អគ្គស្នងការដ្ឋាននគរបាលជាតិ (ប៉ូលិស) មានឈ្មោះឡើងទៅលេងក្នុងវគ្គផ្ដាច់ព្រ័ត្រ នៃពានរង្វាន់វ័យចាស់កម្ពុជាឆ្នាំ ២០១៥ ក្រោយទទួលជ័យជម្នះរៀងៗ ក្នុងវគ្គជម្រុះម្សិលមិញ លើវាលស្មៅកីឡដ្ឋានកងយោធពលខេមរភូមិន្ទ (ស្ដាតចាស់)។

វ័យចាស់ ណាហ្គា និង ប៉ូលិស ថតរូបជុំគ្នា

វ័យចាស់ទ័ព និង ស្វាយរៀង ថតរូបជុំគ្នា

សម្រាប់លទ្ធផលសរុបនៅរសៀលម្សិលមិញមាន ក្រុមវ័យចាស់របស់ ទ័ព ឈ្នះក្រុមខេត្តស្វាយរៀង ៣ ទល់ ២ ហើយក្រុមប៉ូលិស ឈ្នះក្រុមណាហ្គា ៤ ទល់ ៣។ ចំពោះកម្មវិធីប្រកួតនៅរសៀលថ្ងៃទី ៩ ខែ មេសា នេះមាន៖ ចំណាត់ថ្នាក់លេខ៣៖ ស្វាយរៀង ជួប ណាហ្គាវើល នៅម៉ោង ២ រសៀល ជើងឯក៖ ក្រសួងការពារជាតិ ជួប អគ្គស្នងការដ្ឋាននគរបាលជាតិ នៅម៉ោង ៤ រសៀល លោក រិទ្ធ ឌីកា ប្រធានសមាគមបាល់ទាត់វ័យចាស់កម្ពុជា បានលើកឡើងថា ក្រៅពីក្លិបទាំង៤ សហការគ្នាបង្កើតពានរង្វាន់នេះឡើង ដើម្បីផ្ដល់ឱកាសឱ្យកីឡាករចាស់ៗ តាមក្លិបនីមួយបានជួបគ្នាលើទីលាន ក្នុងគោលបំណងរក្សាចំណងមិត្តភាព សាមគ្គីភាព និង ចូលរួមអបអរសាទរពិធីបុណ្យចូលឆ្នាំប្រពៃណីខ្មែរ ក៏មានហាងលក់សំលៀកបំពាក់កីឡា Home Sports ចូលរួមលក់អាវ ដើម្បីរៃអង្គាសប្រាក់ឧបត្ថម្ភដល់មន្ទីរពេទ្យគន្ធបុប្ឆា ផងដែរ៕