ប្លែកភ្នែក! ប្រណាំងរទេះគោចំនួន៣០កក្រើកអង្គរ-ឃ្យុងយូរ

2015-04-14 22:30:04
ចំនួនមតិ 0 | ចំនួនចែករំលែក 0

ចន្លោះមិនឃើញ

រទេះគោដែលតុបតែងលម្អផ្សេងៗបានប្រណាំងគ្នាឡើងកក្រើកនៅទីលានអង្គរ-ឃ្យុងយូរ ព្រឹកនេះនៅទីរួមខេត្តសៀមរាបក្នុងឱកាសបុណ្យចូលឆ្នាំថ្មីប្រពៃណីជាតិអង្គរសង្គ្រានឆ្នាំនេះ។

លោក សោម រតនា អ្នកនាំពាក្យពិធីបុណ្យចូលឆ្នាំថ្មីប្រពៃណីជាតិអង្គរសង្ក្រាន្តបានឲ្យដឹងថា ការប្រណាំងរទេះគោទទួលបានការចាប់អារម្មណ៍យ៉ាងខ្លាំងពីអ្នកទស្សនាជាតិ និងអន្តរជាតិដោយសារជាការប្រកួតដ៏កម្រមាននៅក្នុងប្រទេសកម្ពុជា។ ការប្រណាំងរទេះនៅអង្គរ-ឃ្យុងយូរថ្ងៃបុណ្យចូលឆ្នាំទីមួយនេះមានរទេះគោចំនួន៣០ ដែលបែងចែកការប្រណាំងរទេះកង់ឡាន និងរទេះកង់ឈើ។

ក្រៅពីផ្តល់ភាពសប្បាយរីករាយ និងបង្កបរិយាកាសឲ្យកាន់តែពិសេសក្នុងឱកាសអបអរឆ្នាំថ្មី ការរៀបចំប្រណាំងរទេះគោនេះក៏ជាផ្នែកមួយនៃការបង្ហាញវប្បធម៌ប្រពៃណីជាតិខ្មែរដល់ភ្ញៀវអន្តរជាតិឲ្យបានស្គាល់ផងដែរ៕