ឈាវ បូរ៉ា បន្តភាពខ្លាំងការពារតំណែងជើងឯកអុកចត្រង្គ២០១៥

2015-04-16 17:54:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ដេចអុកចត្រង្គឆ្នាំចាស់ ឈាវ បូរ៉ា ការពារតំណែង ស្ដេចអុក ២០១៤ បានសម្រេច និងបន្តកាន់កាប់តំណែង ស្ដេចអុក២០១៥ បន្ទាប់ពីបំបាក់គូប្រកួតដ៏ស្វិតស្វាញវគ្គផ្ដាច់ព្រ័ត្របានសម្រេច។

ជើងខ្លាំងអុកចត្រង្គ ៨នាក់ចម្រាញ់ចេញពី ៩១នាក់ កំពុងបើកឆាកប្រកួតរកអ្នកខ្លាំងពិតប្រាកដហើយ ព្រឹកនេះ នៅមុខបរិវេណប្រាសាទអង្គរវត្ត។ បុរសខ្លាំងអុកចត្រង្គទាំង៨នាក់ដែលបានឈានមកប្រកួតនៅ អង្គរសង្ក្រាន្តនេះមាន ១-អេង សេងហៀក, ២-សុខ ភារ៉ា, ៣-ម៉ាត់ សេន,៤ -ហាយ ស៊ីណា, ៥-ម៉េត សេរីសម្បត្តិ, ៦-គុជ ពិសិដ្ឋ, ៧-ប៊ិន គាសេង និង ៨-ស្ដេចអុកចត្រង្គឆ្នាំចាស់ ឈាវ បូរ៉ា។

សម្រាប់ឆ្នាំនេះ ជើងឯកជយលាភីលេខ១នឹងទទួលបានប្រាក់រង្វាន់ចំនួន៥០០០ដុល្លារ ជើងឯករងទទួលបាន៣០០០ដុល្លារ ចំណាត់ថ្នាក់លេខ៣ទទួលបាន ២០០០ដុល្លារ និងចំណាត់ថ្នាក់លេខ៤ទទួលបាន ៥០០ដុល្លារ។

សកម្មភាពប្រកួតវគ្គផ្ដាច់ព្រ័ត្ររបស់ ឈាវ បូរ៉ា

កាលអង្គរសង្ក្រាន្តឆ្នាំ២០១៤កន្លងទៅ លោក ឈាវ បូរ៉ា ជាម្ចាស់ជើងឯកដែលទទួលបានប្រាក់រង្វាន់សរុប ៤៨០០ដុល្លារ។ លោក គ្រួច ចន្ថារិទ្ធ ជាជើងឯករងទទួលបាន៣៣០០ដុល្លារ លោក សូ សំភី ជាប់លេខ៣ទទួលបាន១៨០០ដុល្លារ និងលោក កែវ វឌ្ឍនា ជាប់លេខ៤ ទទួលបាន១៤០០ ដុល្លារ៕