កម្មវិធីទូរសព្ទពិសេស អាចរៀនភាសាកូរ៉េចេះបានលឿន

2015-04-29 16:15:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាសាកូរ៉េ បច្ចុប្បន្នកំពុងតែពេញនិយមមែនទែនសម្រាប់យុវវ័យ សិស្សនិស្សិត សម្រាប់ការទាក់ទងគ្នាតាមបែបផែនផ្សេងៗ។ ក្រៅពីទៅរៀនភាសាកូរ៉េនៅសាលា អ្នកក៏ត្រូវចំណាយពេលនៅផ្ទះហ្វឹកហាត់និយាយ ស្តាប់ សរសេរ ឬធ្វើលំហាត់ជាច្រើនទៀតឱ្យបានញឹកញាប់ ដើម្បីរៀនភាសាមួយនេះឱ្យបានចេះឆាប់រហ័ស។ អ៊ីចឹង សម្រាប់អ្នកដែលទើបតែចាប់ផ្តើមរៀន ឬរៀនភាសាកូរ៉េយូរហើយ អាចសាកល្បងដោនឡូតកម្មវិធីទាំង៥នេះ ដើម្បីភាសាកូរ៉េរបស់អ្នកកាន់តែរីកចម្រើនលឿន៖

១. Pop-Popping Korean

កម្មវិធីនេះ អាចអានគ្រប់អក្ខរក្រមភាសាកូរ៉េទាំងអស់ តាមរយៈរូបភាពតុក្កតា និងទីតាំងអណ្ដាតគន្លាស់បញ្ចេញសំឡេងពាក្យ ឬអក្សរនីមួយៗឱ្យបានត្រឹមត្រូវ។

-ដោនឡូត៖ iOS / Android

២. TenguGo Hangul

TenguGo Hangul ពិតជាកម្មវិធីរៀនភាសាកូរ៉េចាំបាច់បំផុតសម្រាប់អ្នកទើបតែរៀនភាសានេះដំបូង។ វាអាចជួយពន្យល់អក្ខរក្រមកូរ៉េយ៉ាងក្បោះក្បាយ ដើម្បីឱ្យអ្នកសិក្សាយល់បានច្បាស់ ហើយថែមទាំងមានលំហាត់សម្រាប់ធ្វើតេស្តេសមត្ថភាពរបស់អ្នកថែមទៀតផង។

-ដោនឡូត៖ iOS / Android

៣. Korean Drama Talk

វាជាកម្មវិធីមួយនៅលើ iOS សម្រាប់អ្នកដែលចូលចិត្តមើលភាពយន្តកូរ៉េ ដែលនិយាយជាភាសាកូរ៉េ។ Korean Drama Talk មានសុទ្ធតែឃ្លា ប្រយោគ និងពាក្យដែលតួអង្គក្នុងរឿង និយមប្រើជាងគេ។ ក្រោយពីរៀនចប់ អ្នកក៏អាចឆ្លើយនឹងសំនួរ ដើម្បីធ្វើតេស្តឱ្យដឹងថា តើអ្នកចេះដល់កម្រិតណា។

-ដោនឡូត៖ iOS

៤. KORLINK by Talk to Me in Korean

កម្មវិធីនេះភ្ជាប់ទៅនឹងវិបសាយបង្រៀនភាសាកូរ៉េ Talk to Me in Korean (TTMIK) ដែលអាចឱ្យអ្នករៀនភាសាកូរ៉េបានដោយងាយ និងចេះយ៉ាងឆាប់រហ័ស។ វាក៏មានវេយ្យាករណ៍ និងវីដេអូអំពីការបង្រៀនភាសាកូរ៉េផ្សេងៗទៀតផងដែរ។

-ដោនឡូត៖ iOS / Android

៥. Learn Korean 6000 words

Learn Korean 6000 words មានពាក្យពិបាកចំនួន ៦ពាន់ពាក្យអមដោយរូបភាព ដើម្បីងាយចាំ។ កម្មវិធីនេះតម្រូវឱ្យអ្នករៀនពាក្យពីកម្រិតទាបជាមុនសិន បន្ទាប់មកទើបអាចឈានដល់កម្រិតខ្ពស់បាន។ ចំពោះពាក្យពិបាកទាំងអស់ត្រូវបានបកប្រែទៅជាភាសាផ្សេងៗចំនួន ៥១ភាសា។