សារ៉េត ស៊ីដន គ្រូជំនួយក្លិបប៉ូលិស ទៅផ្សព្វផ្សាយបាល់ទាត់នៅបាត់ដំបងជិត ១០០ សាលា
- 2015-04-30 18:12:23
- ចំនួនមតិ 0 | ចំនួនចែករំលែក 0
សារ៉េត ស៊ីដន គ្រូជំនួយក្លិបប៉ូលិស ទៅផ្សព្វផ្សាយបាល់ទាត់នៅបាត់ដំបងជិត ១០០ សាលា
ចន្លោះមិនឃើញ
លោក សារ៉េត ស៊ីដន គ្រូជំនួយក្លិបបាល់ទាត់អគ្គស្នងការដ្ឋាននគរបាលជាតិ (ប៉ូលិស) បានធ្វើការស្ម័ក្រចិត្តជាមួយក្រុមហ៊ុន Yamaha ចុះផ្សព្វផ្សាយបាល់ទាត់នៅតាមសាលាបឋមសិក្សាក្នុងខេត្តបាត់ដំបង ចំនួន ៧៧ សាលា រួចរាល់ហើយ ខណៈគម្រោងសរុបនឹងធ្វើឱ្យបានមិនក្រោម ១០០ សាលាមុនឆ្នាំ ២០១៦មកដល់។
ក្រុមការងារលោក សារ៉េត ស៊ីដន ចុះផ្សព្វផ្សាយបាល់ទាត់
នៅសប្ដាហ៍នេះលោកនិងក្រុមការងារបានបន្តចុះផ្សព្វផ្សាយដល់សាលាបឋមចំនួន ៨ ផ្សេងទៀតក្នុងស្រុក មោងឬស្សី ស្រុកសង្កែ និង ស្រុកបាត់ដំបង ព្រមទាំងបានពិភាក្សាការងារជាមួយប្រធានមន្ទីរអប់រំយុវជននិងកីឡា ជុំវិញការងារនេះផងដែរ។ លោកប្រធានមន្ទីរបានស្នើសុំឱ្យក្រុមការងារចុះជួយដល់សាលាមួយចំនួនដែលនៅឆ្ងាយៗ ចុងកាត់មាត់ញកដើម្បីឱ្យសិស្សានុសិស្សនៅទីនោះបានស្គាល់ និងលេងបាល់ទាត់។ ចំណែកខាងក្រុមការងារលោក ស៊ីដន បានទទួលយកសំណើដោយគ្រាប់តែសុំការណែនាំពីចម្ងាយផ្លូវ និង ទីតាំងឱ្យបានច្បាស់លាស់។
បើតាមការឱ្យដឹងពីលោក សារ៉េត ស៊ីដន នៅពេលចុះទៅតាមសាលាបឋមសិក្សានីមួយៗ គឺស្នើឱ្យនាយកសាលាណែនាំក្មេងៗ អាយុចន្លោះពីអាយុ ១៣ ទៅ ១៥ ឆ្នាំប្រហែលជា ៤០ នាក់ទាំងកុមារានិងកុមារី ដើម្បីធ្វើការបង្ហាត់បង្ហាញពីបាល់ទាត់ ព្រមទាំងចែកសម្ភារៈមួយចំនួនដូចជា អាវ បាល់ ជាដើម។ តាមសាលានីមួយៗ ត្រូវមានគ្រូម្នាក់ជ្រើសរើសកីឡាករចំនួន ១៥ នាក់បង្កើតជាក្រុមបាល់ទាត់មួយ។ ក្នុងនោះរាល់ពេល ៣ ខែក្រុមហ៊ុនបង្កើតពានរង្វាន់មួយដោយអញ្ញើញក្រុមទាំងនោះមកប្រកួតម្ដង។
តាមពិតសកម្មភាពនេះបានបង្កើតឡើងដំបូងតាំងពីឆ្នាំ ២០១៣ មកម៉្លេះលើទឹកដីខេត្តបាត់ដំបងដោយគោលបំណងចង់ផ្សព្វផ្សាយបាល់ទាត់រួមទាំងនិងស្លាកយីហោរបស់ខ្លួនក្នុងពេលតែមួយ។ នៅពេលសកម្មភាពនេះចប់រួចរាល់នៅខេត្តបាត់ដំបង ក្រុមការងារនឹងប្ដូរទៅធ្វើខេត្តផ្សេងទៀតអាចជា បន្ទាយមានជ័យ ឬ សៀមរាប ជាដើម៕ អត្ថបទ៖ ម៉ឺន រស្មី
រូបថត៖ផ្ដល់ឱ្យ© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
