កីឡាករ Lionel Messi ​បាន​ដើរ​តួ​ជា​វីរបុរស Iron Man ​ក្នុង​រឿង Avengers ​ក្នុង​ការ​ថត​ពាណិជ្ជកម្ម​ថ្មី​មួយ​ឱ្យ​ក្រុម​ហ៊ុន​ទូរសព្ទ Samsung ។

ក្នុង​ស្ពតពាណិជ្ជកម្ម​នោះ​ ខ្សែ​ប្រយុទ្ធ​មុត​ស្រួច Messi ​និង​តារា​បាល់​អោប Eddie Lacy ​រួម​ជាមួយ​ តារា​ផ្សេង​ទៀត​ បាន​នាំ​គ្នា​ដើរ​តួ​ជា​វីរបុរស​ក្នុង​រឿង Avengers ​ទាំង​អស់​មាន​ដូចជា Iron Man , Thor , Hulk ​និង​ Captain America ​ជា​ដើម។ ការ​សម្ដែង​នេះ​ដែរ គឺ​តម្រូវ​ឱ្យ​ពួកគេ​ពាក់​វែន​តា​មួយ​ដែល​ភ្ជាប់​ជាមួយ​ទួរសព្ទ​ Samsung ដើម្បី​ឱ្យ​ពួកគេ​មើល​ទៅ​ខ្លួន​ឯង​ ដូច​ជា​កំពុង​តែ​នៅ​ក្នុង​សាច់​រឿង​ពិត​ៗ និង​ឃើញ​ខ្លួន​ឯង​ដូច​តួ​អង្គ​នោះ​អីចឹង។

ចង់​ដឹង​ថា វីដេអូ​សម្ដែង​របស់​កីឡាករ​ឆ្នើម​ ដែល​ធ្លាប់​តែ​ប្រកួត​លើ​វាល​ស្មៅ​ បែរ​ជា​មក​សម្ដែង​ជា​តួ​ក្នុង​ខ្សែ​ភាព​យន្ត​វិញ​យ៉ាង​ណា​នោះ សូម​ទស្សនា​វីដេអូ​ខាង​ក្រោម​នេះ​ទាំង​អស់​គ្នា៖

​

ចុចអាន៖គ្រាន់​តែ​និយាយ​ដល់ Ronaldo ​អ្នក​យក​ព័ត៌មាន​ស្រី​ម្នាក់​ស្រាត​ខោ​អាវ​ខ្លួន​ឯង​អស់​រលីង

ប្រែ​សម្រួល៖ មុន្នី រម្យ ប្រភព៖ mirror