បូនីតា ដាដេណា ខឹងប្ដី ជាសេដ្ឋីអារ៉ាប់

2015-05-11 17:08:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់ដែលនៅតែមានសម្រស់ផូរផង់មិនចាញ់ក្មេង អ្នកស្រី បូនីតា ដាដេណា បានទម្លាយរឿងបញ្ហាគ្រួសារប្រាប់ Sabay ថា ខ្លួនកំពុងតែមានការអាក់អន់ស្រពន់ចិត្តជាមួយប្ដីដែលជាសេដ្ឋីអារ៉ាប់ និង ជាអ្នកជំនួញល្បីឈ្មោះម្នាក់ ដោយសារតែគាត់មិនព្រមមកលេងស្រុកខ្មែរ។

“គាត់ជាប់រវល់ទៅកុម្ម៉ង់រថយន្តនៅអាមេរិកប្រហែល១ខែ ហើយឲ្យបងទៅជួបគាត់នៅទីនោះ តែបងអត់ព្រមទេ ចង់ឲ្យគាត់មកជួបបងនៅស្រុកខ្មែរជាង ចឹងបងក៏ខឹង ហើយអត់លើកទូរស័ពរបស់ស្វាមីបងមួយអាទិត្យឯណោះ”។ តែប្រហែលជាខែ ៦ ឬយ៉ាងយូរខែ ៧ គាត់នឹងមកកម្ពុជាហើយ"។

ដាដេណា បានបង្ហើបឲ្យដឹងទៀតថា ស្វាមី គឺជា អ្នកជំនួញអារ៉ាប់ ដ៏សម្បូរប្រាក់ម្នាក់ ហើយតែងតែទៅធ្វើជំនួញជុំវិញពិភពលោក និង បបួលឲ្យគាត់រួមដំណើរគ្រប់កន្លែង។ បុរសនោះមានអាយុ ៦៦ ឆ្នាំ និង មានប្រពន្ធកូន រួចហើយនៅអារ៉ាប់។ មិនត្រឹមតែប៉ុណ្ណោះក្រុមប្រពន្ធ កូន និង បងប្អូនបុរសវ័យចំណាស់នោះ មានទំនាក់ទំនងស្អិតល្មួតជាមួយអ្នកស្រីទៀតផង។

“ពួកគាត់តែងតែលេង Facebook ហើយបបួលខ្ញុំឲ្យទៅលេងអារ៉ាប់តែរហូតនឹង តែបងអត់សូវចូលចិត្តជិះយន្តហោះទេ ទើបមិនសូវចង់ទៅ ណាមួយធ្លាប់ទៅប៉ុន្មានដងដែរហើយ”។

ទោះជាយ៉ាងណាតារាសម្ដែងសាច់ចាំរូបនោះបានរៀបរាប់ឲ្យដឹងទៀតថា "តាមពិតប្ដីខ្ញុំ គាត់ក៏ធ្លាប់មកកម្ពុជាដែរ ដោយសារតែនឹកកូនស្រីអាយុ ៨ ខែ ឈ្មោះ បុស្បា រហូតដល់ថ្នាក់ខ្ញុំទៅណាក៏ត្រូវយកកូនតូចទៅជាមួយ។ មិនត្រឹមតែប៉ុណ្ណោះបុរសជនជាតិអារ៉ាបរូបនោះទទូចឲ្យម៉ែកូនពួកខ្ញុំទៅរស់នៅអាមេរិក ព្រោះបាននៅជិតគាត់ ជាងកម្ពុជា"៕

អត្ថបទ៖ទ្រី រ៉ាវី