Charmaine មិនបន្តកុងត្រាជាមួយទូរទស្សន៍ TVB

2015-05-20 16:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយជោគជ័យក្នុងរឿង "Line Walker” កាលពីឆ្នាំទៅ តារាសម្ដែងវ័យ៣៩ឆ្នាំ Charmaine Sheh បានឈ្នះពានតារាសម្ដែងស្រីឆ្នើម (Best Actress) ក្នុងទីក្រុងហុងកុង និងល្បីពេញអាស៊ីអាគ្នេយ៍។ ទោះបីជាយ៉ាងណា នាងគ្មានអារម្មណ៍ចង់នៅជាមួយទូរទស្សន៍ TVB ទៀតឡើយ ក្រោយកុងត្រារបស់នាងបានបញ្ចប់ទៅហើយនោះ។

ដើម្បីបញ្ចុះបញ្ចូលឱ្យតារាលេចធ្លោ នៅបន្តកុងត្រាទៀតនោះ ប្រធានទូរទស្សន៍ TVB លោក Charles Chan បានអញ្ជើញ Charmaine ទៅញ៉ាំអាហារពេលល្ងាចជាក្រុម។ ទោះខំនិយាយយ៉ាងណាក្ដី តែនាងមិនមែនជាមនុស្ស ស្រួលបញ្ចុះបញ្ចូលឡើយ។ មើលទៅដឹងថាការខិតខំរបស់ខ្លួនមិនបានផ្លែផ្កា លោក Chan បានងើបចេញពីតុអាហារ ទាំងអារម្មណ៍មិនពេញចិត្ត។

ចំពោះមូលហេតុដែលធ្វើឱ្យតារាមានប្រភពមកពីទីក្រុង Zhongshan និងអតីតនិស្សិតវិទ្យាស្ថានគ្រប់គ្រងសណ្ឋាគារអន្តរជាតិស្វីស (International Hotel Management Institute Switzerland) ដដែលនេះ មិនចង់នៅទូរទស្សន៍ TVB ប្រភពមិនបានបញ្ជាក់ឲ្យដឹងឡើយ។

តារាសម្ដែងក្នុងរឿង "Triumph in the Skies” រូបនេះ បានចុះកុងត្រាជាមួយ TVB តាំងពីឆ្នាំ ១៩៩៧ មកម្ល៉េះ ហើយមកទល់ពេលនេះមានរយៈពេល១៨ឆ្នាំហើយ ខណៈកុងត្រារបស់នាងជាមួយក្រុមហ៊ុនក៏បានបញ្ចប់ដែរ៕