សែលកាត គាំទ្រគំនិតផ្ដួចផ្ដើមឲ្យពលរដ្ឋខ្មែរអាចប្រើក្ដារចុចឆ្លាតវៃខ្មែរ

2015-05-21 21:55:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សែលកាត មានឈ្មោះស្ថិតក្នុងបញ្ជីអ្នកឧបត្ថម្ភសម្រាប់កម្មវិធីក្ដារចុចឆ្លាតវៃខ្មែររបស់ Alien Dev’s។ ការឧបត្ថម្ភនេះជាការផ្ដល់កិច្ចគាំទ្រក្នុងការលើកបង្ហាញស្មារតីចូលរួមសម្រាប់មូលនិធិ និងសេវាកម្មដើម្បីធានានិរន្តរភាពនៃគម្រោង។ ថ្មីៗនេះកម្មវិធីក្ដារចុចឆ្លាតវៃខ្មែរមានដាក់ជូនឲ្យទាញយកដោយឥតគិតថ្លៃនៅលើ Google Play Store សម្រាប់ Android និងនៅលើ App Store សម្រាប់ iOS។ ដើម្បីគាំទ្រកម្មវិធីក្ដារចុចនេះ លោកអ្នកអាចចូលរួមបរិច្ចាគវិភាគទានបានតាមរយៈគេហទំព័រ www.khmersmartkeyboard.comដែល ជា គេហទំព័រសម្រាប់ទទួលការឧបត្ថម្ភនានាចាប់ពី 1ដុល្លារទៅ ហើយក៏លើកទឹកចិត្តដល់សប្បុរសជនវិញជាមួយរង្វាន់ពិសេសពីអ្នកឧបត្ថម្ភ ឬលក្ខណៈពិសេសបន្ថែមលើកម្មវិធីក្ដារចុចនេះ។ សែលកាតឧបត្ថម្ភលើការផ្ញើសារជាអក្សរទៅកាន់អតិថិជនសែលកាតគ្រប់រូបដើម្បីអំពាវនាវឲ្យចូលរួមឧបត្ថម្ភដល់គម្រោងនេះតាមរយៈការផ្ញើសារឆ្លើយជាអក្សរ។ រាល់ការឆ្លើយតបសារជាអក្សរ នឹងអាចឲ្យអតិថិជនធ្វើការឧបត្ថម្ភថវិកាចំនួន50សេនពីសមតុល្យគណនីរបស់ខ្លួន។ ជាការផ្ដល់ជូនមកវិញសម្រាប់វិភាគទានពីសន្ដានចិត្តអតិថិជនគ្រប់រូប អ្នកបរិច្ចាគទាំងអស់នឹងទទួលបានពិន្ទុសន្សំដែលអាចឲ្យពួកគាត់អាចប្ដូរយករង្វាន់ពី CELLCARD REWARDS ផងដែរ។

លោក នីក វ៉ានវីន នាយកផ្នែកទីផ្សារក្រុមហ៊ុនសែលកាត ថ្លែងថា “សែលកាត ប្ដេជ្ញាក្នុងកិច្ចគាំទ្រសហគមន៍បច្ចេកវិទ្យាក្នុងស្រុក។ យើងមើលឃើញសក្ដានុពលដ៏ធំធេងនៃគម្រោងនេះ និងអ្នកជំនាញបច្ចេកវិទ្យាក្នុងគម្រោងនេះផងដែរដែលមានការតាំងចិត្តខ្ពស់ក្នុងលើកស្ទួយកម្ពុជាឲ្យលេចមុខមាត់ឡើង ព្រមទាំងសន្ទុះអភិវឌ្ឍយ៉ាងឆាប់រហ័សនិងឯករាជ្យទៅលើឧបករណ៍អេឡិចកត្រូនិចដូចជាទូរស័ព្ទចល័តជាដើម។ គំនិតផ្ដួចផ្ដើមដូចគ្នានេះដែរ នឹងធ្វើឲ្យការទទួលបានចំណេះដឹងបច្ចេកវិទ្យាកាន់តែងាយស្រួល និងបន្តទៅមុខទៀតឥតដាច់។ ក្នុងនាមក្រុមហ៊ុនផ្ដល់សេវាកម្មទូរស័ព្ទចល័តឈានមុខគេមួយ យើងមើលឃើញថានេះជាបេសកកម្មមួយដែលមិនសំដៅតែការធ្វើឲ្យវិស័យនេះរីកចម្រើននោះទេ ប៉ុន្តែក៏ផ្ដល់ជូនពលរដ្ឋខ្មែរជាច្រើនទៀតអាចប្រើប្រាស់បច្ចេកវិទ្យាដែលនឹងជួយកាន់រីកចម្រើនថែមទៀត។” កម្មវិធីនេះក៏ត្រូវបានគាំទ្រពីសាខារោងភាពយន្ត Major Cineplex ដែលជាដៃគូរបស់ក្រុមហ៊ុន សែលកាត ផងដែរ។ សម្រាប់ព័ត៌មានបន្ថែមអំពីកម្មវិធី ឬការចូលរួមឧបត្ថម្ភផ្សេងៗ សូមចូលទៅកាន់គេហទំព័រ www.Khmersmartkeyboard.com។ អត្ថបទ៖ ពាណិជ្ជកម្ម