ពានរង្វាន់ឌូអាត្លុង អន្តរជាតិបញ្ចប់ម្សិលមិញនៅកោះពេជ្រ

2015-05-25 16:16:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតកីឡាឌូអាត្លុងអន្តរជាតិ (រត់+ជិះកង់+រត់) បានបញ្ចប់នៅថ្ងៃអាទិត្យ ទី ២៤ ខែ ឧសភា ឆ្នាំ ២០១៥ ម្សិលមិញ ក្នុងទឹកដីកោះពេជ្រ ដោយមានអ្នកចូលរួមប្រមាណជាង ៨០០ នាក់ មកពី ១៣ ក្លិបផ្សេងៗគ្នា។

លោក ឧកញ៉ា គង់ រិទ្ធីជព្វ ប្រធានសហព័ន្ធកីឡាទ្រីយ៉ាត្លុងកម្ពុជា បានលើកឡើងថាព្រឹត្តិការណ៍នេះមានវិញ្ញាសា អាយុក្រោម ១៨ ឆ្នាំ បុរស-នារី និង អាយុ ៤១ ឆ្នាំឡើងសម្រាប់បុរស ប្រកួតរត់ចម្ងាយ ២ គីឡូម៉ែត្រកន្លះ+ជិះកង់ចម្ងាយ ២១ គីឡូម៉ែត្រ+ រត់ចម្ងាយ២ គីឡូម៉ែត្រកន្លះ និង វិញ្ញាសាអាយុក្រោម ១៨ ដល់ ៤០ គីឡូម៉ែត្រ ប្រកួតរត់ចម្ងាយ ៥ គីឡូម៉ែត្រ+ជិះកង់ចម្ងាយ ២១ គីឡូម៉ែត្រ+ រត់ចម្ងាយ ២ គីឡូម៉ែត្រកន្លះ។ ក្រៅពីនោះក៏មានវិញ្ញាសារត់ប្រណាំងកិត្តិយស ចម្ងាយ ៣ គីឡូម៉ែត្រ មិនកំណត់អាយុផងដែរ។

សម្រាប់ឯកឧត្តម ខៀវ កញារិទ្ធ ប្រធានកិត្តិយសសហព័ន្ធកីឡាទ្រីយ៉ាត្លុងកម្ពុជា ថាការប្រកួតនៅឆ្នាំនេះគឺជាកម្ដៅសាច់ដុំត្រៀមខ្លួនបញ្ជូនកីឡាករទៅចូលរួមប្រកួតក្នុងព្រឹត្តិការណ៍កីឡាស៊ីហ្គេមឆ្នាំ ២០១៥ ឆាប់ៗនេះនៅប្រទេសសិង្ហបុរី។

ខាងក្រោមជាទិដ្ឋភាពប្រកួតម្សិលមិញ៖