ប្រកួតប្រជែងវីដេអូ៖ ប្រធានបទ "ទីក្រុងស្អាត" តាមរយៈSabayTV

2015-06-22 17:17:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ចូលចិត្ត ឬឧស្សាហ៍ថតវីដេអូលេងណាស់មែនទេ? ដើម្បីលើកស្ទួយស្នាដៃយុវវ័យ និងគំនិតអប់រំក្រោមប្រធានបទ "ទីក្រុងស្អាត" SabayTV បានបង្កើតកម្មវិធីមួយឈ្មោះថា Sabay Monthly Clip Competition។ សម្រាប់បេក្ខជន ដែល ឈ្នះ នឹងទទួលបានទឹកប្រាក់ ១០០ដុល្លារ និងរង្វាន់ច្រើនទៀត។ វីដេអូមិនចាំបាច់ទាល់តែមាន កម្រិតHD នោះទេ ព្រោះបេក្ខជនក៏អាចប្រើទូរសព្ទថតបានដែរ។ អ្វីដែលសំខាន់បំផុតនោះគឺ ការបង្កប់គំនិតអប់រំ និង ទទួលបានការគាំទ្រច្រើន។

Sabay TV ទទួលវីដេអូ ចាប់ពីថ្ងៃទី១២ ខែមិថុនា និងឈប់ទទួលត្រឹមថ្ងៃទី ១៥ ខែកក្កដា ឆ្នាំ២០១៥។ ការបោះឆ្នោតនឹងប្រព្រឹត្តទៅ នៅថ្ងៃទី ២៥ ខែកក្កដា រីឯលទ្ធផល នឹងសម្រេចនៅចុងខែសីហា ឆ្នាំ២០១៥។

លក្ខខណ្ឌប្រកួតប្រជែងមាន៖

១. បេក្ខជនបេក្ខនារី ត្រូវបង្កើតវីដេអូខ្លីមួយរយៈពេលខ្លីជាង ៣នាទី ២. បេក្ខជនអាចប្រើទូរសព្ទ ឬកាមេរ៉ា ដើម្បីផ្ដិតយករូបភាព ៣. អាច Upload តាមរយៈ Dropbox, Wetransfer, Google Drive ឬ Youtube Link, Facebook Link, CD ជាដើម ផ្ញើមកកាន់ Sabay ៤. វីដេអូល្អជាងគេចំនួន១០ នឹងត្រូវជ្រើសយកមកប្រកួតប្រជែង លើប្រព័ន្ធ Youtube របស់ Sabay តាមរយៈការបោះឆ្នោត ៥. វីដេអូដែលមានអ្នកទស្សនាច្រើនជាងគេលើ Youtube នឹងទទួលបានប្រាក់រង្វាន់ ១០០ដុល្លារ

អត្ថប្រយោជន៍៖ ១. ជយលាភីនឹងទទួលបានរង្វាន់ជាទឹកប្រាក់១០០ដុល្លារ ២. វីដេអូដែលជាស្នាដៃ នឹងបង្ហាញខ្លួននៅ Sabay ៣. ជយលាភីលេខ២ និងលេខ៣ នឹងទទួលបានរង្វាន់លើកទឹកចិត្ត (សំបុត្រកុន)

ដើម្បីចូលរួមបោះឆ្នោត ប្រិយមិត្តត្រូវចូលទៅកាន់ sabay.tv ឬ youtube.com/sabaytv រួចចុចមើល ឬ Like វីដេអូដែលខ្លួនពេញចិត្តជាការស្រេច។ ចំពោះពិន្ទុ គឺមើលទៅលើការបូកបញ្ចូលគ្នារវាង Views Number (ចំនួនអ្នកមើល) និង Likes Number (ចំនួនអ្នកចូលចិត្ត) ដោយប្រើប្រាស់ System របស់ Youtube ផ្ទាល់ ហើយជយលាភី នឹងបានឃើញ Screen Shot អំពីពិន្ទុរបស់ខ្លួន ដើម្បីបញ្ជាក់ពីភាពសុក្រឹតក្នុងការប្រកួតនេះ។

គួរបញ្ជាក់ថា កម្មវិធីនេះនឹងធ្វើឡើងជារៀងរាល់ខែ។ វីដេអូដែលបានជ្រើសហើយ មិនអាចប្រកួតលើកទីពីរទេ ហើយរាល់វីដេអូដែលបានផ្ញើមក Sabay មានសិទ្ធិប្រើប្រាស់។ ព័ត៌មានបន្ថែម សូមទំនាក់ទំនង 078 777 961 ឬ អ៊ីម៉ែល sabaytv@sabay.com។

ចាំអង្កាល់ទៀត!!! បង្ហាញស្នាដៃ និងគំនិតច្នៃប្រឌិត និងអប់រំរបស់អ្នកភ្លាមទៅ...